شہبازشریف کا ایران کے سفیر کو خط، جانی نقصان پر دکھ اور افسوس کا اظہار
باغی ٹی وی :پاکستان مسلم لیگ (ن) کے صدر اور قائد حزب اختلاف شہبازشریف نے ایران کے سفیرسید علی حسینی کو خط لکھا ہے جس میں کہا کہ 19 مارچ کو آپ کے خط پر شکریہ ادا کرتا ہوں.ایران کے برادر عوام کو کورونا سے درپیش مشکلات کا جان کر دلی دکھ اور پریشانی ہوئی ہمیں کورونا کے مشترکہ چیلنج اور بحران کا سامنا ہے، جانی نقصان پر دکھ اور افسوس ہے
شہباز شریف نے کہا کہ ایران پر پابندیوں کی وجہ سے کورونا کی پیدا شدہ صورتحال مزید گھمبیر ہوگئی ہے
آپ نے بجا کہا کہ کورونا کے مشترکہ چیلنج کا مقابلہ کرنے کے لئے عالمی برادری کا تعاون درکار ہے ..پاکستان مسلم لیگ (ن) سمجھتی ہے کہ ایران پر پابندیاں ناقابل قبول اور درپیش چیلنج کے مقابلے میں رکاوٹ ہیں
انسانی تکالیف کو دور کرنے کے لے یک جہتی اور مدد کی ضرورت ہے ناکہ پابندیوں اور سزا کا راستہ اپنایا جائے
ہماری اولین ترجیح انسانیت کا مفاد ہونا چاہئے:پاکستان مسلم لیگ (ن) کے صدر شہبازشریف کا ایرانی سفیر کو خط
کورونا وائرس سے موثر انداز میں نمٹنے کے لئے ایران کے عوام کی معاونت کرنے کی ضرورت ہے
پابندیاں فوری ختم کی جائیں کیونکہ یہ انسانی زندگیاں بچانے کے نیک کام میں رکاوٹ ہیں
شہبازشریف نے ایرانی سفیر کو خط میں سعدی شیرازی کی مشہور نظم بنی آدم کے اشعار بھی تحریر کئے
نظم بنی آدم میں سعدی شرازی نے انسانیت کو ایک جسم کے اعضا قرار دیا ہے
سعدی شیرازی نے جسم کے ایک حصے میں تکلیف کو پورے جسم کی تکلیف قرار دیا ہے یقین دلاتا ہوں کہ مسلم لیگ (ن) حکومت پاکستان کو قائل کرنے کی بھرپور کوشش کرے گی:حکومت پاکستان سے کہیں گے کہ وہ عالمی سطح پر ایران پر غیرمنصفانہ پابندیاں ختم کرانے میں کردار ادا کرے .
انہوں نے کہا کہ ہم سمجھتے ہیں کہ برادر ایرانی عوام کی مدد ہمارا فرض ہے:ایران کے ساتھ یک جہتی کا اظہار کرتے ہیں.اقوام متحدہ کے منشور، عالمی قوانین اور عالمی انسانی اقدار کی بالادستی کے ذریعے ایرانی عوام سے یک جہتی کرنا ہوگی .اسلامی ممالک کی طرف سے برادر ایرانی عوام کے ساتھ یک جہتی اور معاونت کا اظہار ہونا چاہئے
کورونا وائرس مشترکہ طورپر انسانیت کا دشمن ہے، متحد ہوکر اور عالمی برادری کے تعاون سے ہی اس پر قابو پاسکتے ہیں میں نے پارلیمانی قیادت کو آپ سے رابطے اور مل کر آگے بڑھنے کی حکمت عملی کی تیاری کی ہدایت کی ہے:
