معروف اداکارہ شہناز شیخ نےجلد ہی نئے انداز میں شوبز میں سامنے آنے کا عندیہ دے دیا۔
باغی ٹی وی : شہناز شیخ نے ایک طویل مدت بعد عمران عباس، مرینہ خان، ماریہ واسطی کے ہمراہ تصویر اپنے انسٹاگرام اکاؤنٹ پر شئیر کرتے ہوئے کچھ نیا جلد سامنے لانے کا عندیہ دیا ہے-
تاہم اداکارہ نے یہ نہیں بتایا کہ وہ کس حوالے سے ساتھ کام کررہے ہیں یا مداحوں کیلئے وہ کیا نیا لانے والی ہیں۔
دوسری جانب اداکار عمران عباس نے بھی انسٹاگرام اکاؤنٹ پر مرینہ خان اور شہناز شیخ کے ساتھ لی گئی ایک تصویر شئیر کی اور لکھا کہ ان دونوں لیجنڈز کے ساتھ ایک ساتھ رہنے کا کتنا یادگار لمحہ ہے وہ خواتین جنہوں نے پاکستانی ڈرامہ کی تاریخ میں "ان کہی” ، "تنہائیاں” اور "دھوپ کنارے” میں اپنی بے مثل پرفارمنس کے ذریعے شہرت حاصل کی دو زندہ داستان ، دو صلاحیتوں کا شاہانہ شہناز شیخ اور مرینا خان۔
واضح رہے کہ سرکاری ٹی وی میں اداکاری و میزبانی کے مختصر کیرئیر میں ہی مداحوں کے دلوں میں جگہ بنانے والی شہناز شیخ نے شوبز انڈسٹری کو خیر باد کہہ کر کپڑوں کا کام شروع کیا تھا۔
ماضی کی مقبول ترین اداکارہ شہناز شیخ سوشل میڈیا پر بھی کم و بیش ہی دکھائی دیتی ہیں شہناز شیخ نے ماضی میں پاکستان کے سدا بہار ڈراموں تنہائیاں اور ان کہی میں اپنی اداکاری کے جوہر دکھائے تھے۔
