شہر قائد میں جرائم کی روک تھام کیلئے پولیس کی کامیاب کارروائیاں

کراچی پولیس کی شہر قائد میں جرائم کی روک تھام کیلئے اسٹریٹ کرمنلز منشیات فروشوں اور مفرور ملزمان کیخلاف کامیاب کارروائیاں۔

پولیس نے گزشتہ ہفتے کراچی کے ایسٹ، ویسٹ اور ساوتھ ذونز میں چھاپوں کے دوران مجموعی طور پر 938 سے زائد ملزمان کو گرفتار کیا۔

پولیس نے گرفتار ملزمان کے قبضے سے کروڑوں روپے مالیت کی 160 کلو 647 گرام چرس، 01 کلو 164 گرام ہیروئن اور 512 گرام آئس/کرسٹل برآمد کی۔

گرفتار اسٹریٹ کرمنلز سے شہریوں سے لوٹ مار اور دیگر وارداتوں میں استعمال شدہ 131 سے زائد مختلف اقسام کا غیر قانونی اسلحہ بمعہ ایمونیشن تحویل میں لیکر فارنزک معائنے کیلئے روانہ کیئے جا چکے ہیں۔

شہر میں انسداد جرائم کے دوران ملزمان سے پولیس کے 04 مقابلے ہوئے، فائرنگ کے تبادلے میں 01 ڈاکو ہلاک جبکہ 04 زخمی سمیت 05 ملزمان کو گرفتار کیا گیا۔

اسپیشل انویسٹیگیشن یونٹ کراچی نے سنگین جرائم میں ملوث 05 ملزمان کو گرفتار کر کے 01 کلو سے زائد چرس اور غیر قانونی اسلحہ تحویل میں لے لیا۔

کراچی پولیس نے مختلف علاقوں میں کارروائیاں کرتے ہوئے مجموعی طور پر 81 چھینی و چوری شدہ موٹرسائیکلیں اور 09 گاڑیاں تحویل میں لے لئے۔

کراچی پولیس کیجانب سے جرائم
کے خاتمے، امن وامان کی بحالی اور عوام کے تحفظ کیلئے کئے جانے والے اقدامات جاری رہینگے۔

جواب چھوڑیں

آپ کا ای میل ایڈریس شائع نہیں کیا جائے گا.