شہزاد اکبر نے 18 سوال کیوں پوچھے؟ طلال چودھری نے لگایا سنگین الزام

شہزاد اکبر نے 18 سوال کیوں پوچھے؟ طلال چودھری نے لگایا سنگین الزام

باغی ٹی وی کی رپورٹ کے مطابق مسلم لیگ ن کے رہنما طلال چودھری نے وزیراعظم عمران خان کے معاون خصوصی شہزاد اکبر کی پریس کانفرنس اور 18 سوالات پر ردعمل میں کہا کہ شہزاد اکبر کی پریس کانفرنس کاوَنٹر تھی،عمران خان کی چوری چھپانے کیلئےشہزاد اکبر نے سہولت کار کا کردار ادا کیا،شہزاد اکبر نے 18سوال کیے ،ہم 1800سوال پوچھنا چاہتے ہیں،

طلال چودھری کا مزید کہنا تھا کہ نوازشریف نے تو نسلوں کا حساب دیا،شہزاد اکبر کی پریس کانفرنس میں کوئی بات نہیں تھی،عمران خان کی ہر تقریر میں یہی باتیں ہوتی رہتی ہیں .

سموگ کے خاتمے کے لئے وزیراعظم عمران خان کا پنجاب حکومت کو بڑا حکم

10 دسمبر تک یہ کام نہ کیا تو وزیراعلیٰ کو طلب کریں گے، لاہور ہائیکورٹ برہم

واضح رہے کہ شہزاد اکبر نے پریس کانفرنس میں کہا تھا کہ شریف فیملی نے اربوں کی کرپشن کی ہے، سیاسی مشیران کے نام پر منی لانڈرنگ کیلئے جی این سی نامی کمپنی بنائی گئی، پیسوں کو مختلف اکاؤنٹس میں گھمایا جاتا پھر کیش کرایا جاتا، وزیراعلیٰ ہاؤس میں بیٹھ کر گورکھ دھندا چلایا گیا۔ٹی ٹیز کی رقم سے 32، 33 کمپنیاں بنائی گئیں، دونوں کیش بوائز زیر حراست  ہیں، تفتیش کی جا رہی ہے، ٹی ٹیز کی رقم سے کاروبار کے امپائر کھڑے کیے گئے، تفتیش ایمانداری سے کی جائے تو  چوریاں چھپتی نہیں، معصوم لوگوں کا نام استعمال کر کے ٹی ٹیز اکاؤنٹس میں ڈالی گئیں، سلمان شہباز بھگوڑا، داماد اشتہاری ہے۔

شہزاد اکبر کا کہنا تھا کاروبار 200 سے زائد ٹی ٹیز کی رقم سے شروع کیا گیا، یہ کاروبار شریف خاندان کے بزنس سے الگ ہے، شہباز شریف نے آج تک ڈیلی میل کیخلاف دعویٰ نہیں کیا، حمزہ شہباز زیر حراست ہیں، مگر جواب دینے سے قاصر ہیں،  آج تک ایک بھی الزام کا جواب نہیں دیا گیا، طاہر نقوی اسسٹنٹ جنرل مینجر شریف گروپ آف کمپنی رہے، جی ایم سی کمپنی کے 3 مالکان ہیں، نثار احمد گل وزیراعلیٰ ہاؤس میں ڈائریکٹر پولیٹیکل افیئرز تھے۔