پاکستان میوزک انڈسٹری کے معروف گلوکار اور سماجی کارکن شہزاد رائے نے بی ایڈ کے لئے عمر کی حد ختم کرنے پر خوشی کا اظہار کیا ہے-
باغی ٹی وی : معروف گلوکار و سماجی کارکن کا کہنا ہے کہ بی ایڈ کرنے کے خواہش مندوں کے لیے عمر کی حد ختم کرنا خوش آئند ہے۔
شہزاد رائے نے سماجی رابطے کی ویب سائٹ ٹوئٹر پر اپنے پیغام میں لکھا کہ یہ دیکھ کر خوشی ہوئی کہ نے سعید غنی کی زیر صدارت سندھ ٹیچرز ایجوکیشن ڈیولپمنٹ اتھارٹی کے ا فیصلہ کیا ہے کہ اب کسی بھی طالب علم پر جو بی ایڈ کرنا چاہتے ہیں اس پر عمر کی کوئی پابندی نہیں ہے-
Under chair of @SaeedGhani1 it was heartening to see that STEDA decided tht now there wil b no age restriction on any student who want to pursue B.Ed.This is a big shift from age limit of 28 years which was in effect earlier.A great effort to encourage students to become teachers
— Shehzad Roy (@ShehzadRoy) September 8, 2020
انہوں نے کہا کہ بی ایڈ کے لیے عمر کی حد جو پہلے 28 برس تھی اسے ختم کرنے سے طالبعلموں کے ٹیچر بننے کی حوصلہ افزائی ہوگی۔
واضح رہے کہ صوبائی وزیر تعلیم سندھ سعید غنی کی زیر صدارت سندھ ٹیچرز ڈویلپمنٹ اتھارٹی کے بورڈ آف گورنرز کا اجلاس ہوا جس میں اراکین کی جانب سے ٹیچنگ کورس بی ایڈ کے لیے عمر کی حد میں اضافے کی تجویز دی اجلاس میں شریک شرکاء کی جانب سے مختلف رائے دی گئیں تاہم سعید غنی نے کہا کہ علم کے حصول کے لیے عمر کی پابندی نہیں ہونی چاہیے، علم کو عمر کی پابندی سے محدود کرنا درست نہیں۔
صوبائی وزیر نے اجلاس میں شریک شرکاء سے مشاورت کرتے ہوئے بی ایڈ کرنے کے لیے عمر کی حد ختم کرنے کا اہم فیصلہ کیا بی ایڈ کے حوالے سےقانون سازی بھی جلد متوقع ہے جبکہ کسی تاریخ کا اعلان نہیں کیا گیا۔
یاد رہے کہ اس سے قبل ٹیچنگ کورس بی ایڈ کے لیے عمر کی حد 28سال مقرر تھی، جس کے باعث کئی اساتذہ کورس سے محروم رہے۔
