شیخ الحدیث عبدالرشید راشد ہزاروی چل بسے

باغی ٹی وی کی رپورٹ کے مطابق پاکستان کے معروف عالم دین سرپرست مرکزی جمعیت اہلحدیث شیخ الحدیث عبدالرشید راشد ہزاروی اپنے چاہنے والوں کو سوگوار چھوڑتے ہوئے داعی اجل کو لبیک کہہ گئے،

وہ گزشتہ چند دنوں سے دل کے عارضے میں مبتلا تھے، ان کی عمر 85 برس کے قریب تھی اور اس پیرانہ سالی کے باوجود انہوں نے درس و تدریس کا سلسلہ نہیں چھوڑا،وہ گزشتہ چار دہائیوں سے بخاری شریف پڑھاتے چلے آرہے تھے،

ان کے شاگرد سینکڑوں کی تعداد میں علم دین سے آراستہ ہوکر دعوت و تبلیغ کا مقدس فریضہ سرانجام دے رہے ہیں، ان کی نماز جنازہ آج 30 مئی ہفتہ کے روز شام پانچ بجے ساہیوال کے مشہور فریدیہ پارک میں ادا کی جائے گی،ان شاء الله

ملک بھر کی اہم مذیبی شخصیات نے شیخ الحدیث عبدالرشید ہزاروی کی وفات پر گہرے رنج و غم کا اظہار کیا ہے.