شیخوپورہ کے لوگوں کو ان کا حق دینے آیا ہوں: وزیراعلیٰ پنجاب

وزیراعلیٰ پنجاب سردار عثمان بزدار کی آج شیخوپورہ آمد ہوئی۔ وزیراعلیٰ نے شیخوپورہ میں ایک ارب 27 کروڑ روپے کے نئے منصوبوں کا افتتاح کیا جس میں ڈسٹرکٹ ایجوکیشن کمپلیکس، مریدکے ٹراما سنٹر اور کاؤنٹر ٹیررازم ڈیپارٹمنٹ ریجنل آفس کا بھی افتتاح کیا اور نیشنل ماڈل سکول تا فیصل آباد روڈ شرقپور چوک دو رویہ سڑک کا بھی افتتاح کر دیا گیا وزیراعلیٰ عثمان بزدار نے شیخوپورہ کیلئے 41 کروڑ کی فراہمی و نکاسی آب میگاپراجیکٹ کا سنگ بنیاد بھی رکھا اُنہو نے شیخوپورہ میں وارث شاہ یونیورسٹی کے قیام کا اعلان بھی کر دیا ہے۔
اس موقع پر عثمان بزدار کا کہنا تھا کے میں آج شیخوپورہ کے لوگوں کیلئے 10 ارب روپے سے زائد کا ترقیاتی پیکیج لایا ہوں۔ اس پیکیج سے شہر کے دیرینہ مسائل حل ہوں گے اور عوام کو سہولت ملے گی۔ شیخوپورہ کے لوگوں کو ان کا حق دینے آیا ہوں اور آگے آنے والے وقت میں ضلع شیخوپورہ کیلئے 8 ارب 38 کروڑ روپے کے مزید 19 میگاپراجیکٹس شروع کئے جائیں گے جس میں نارنگ منڈی کیڈٹ کالج، تعلیم، صحت، فراہمی ونکاسی آب، سڑکوں کی تعمیر و توسیع کے 8 پراجیکٹ شروع کئے جائیں گے۔ عثمان بزدار نے سیاحت کے فروغ کے لئے ماناوالہ سے سچا سوداتک سڑک کی تعمیر کا سنگ بنیاد رکھ دیا جس پر 64کروڑ روپے کی لاگت آئے گی۔ عثمان بزدار کا کہنا تھا کے شیخوپورہ گوجرانوالہ سڑک کی جلد تکمیل کے لئے کوشاں ہیں۔
اِس تقریب میں معاون خصوصی ڈاکٹر فردوس عاشق اعوان، ارکان اسمبلی اور دیگر متعلقہ حکام بھی موقع پر موجود تھے عثمان بزدار کے ساتھ موجود تھے۔