بالی وڈ سُپر اسٹار سلمان کے باڈی گارڈ ’گرمیت سنگھ جولی‘ المعروف ’شیرا‘ کو آج سلمان خان کے ساتھ 26 سال مکمل ہوگئے ہیں-
باغی ٹی وی : سلمان خان کے باڈی گارڈ شیرا کو آج سلمان خان کے ساتھ 26 سال مکمل ہو گئے ہیں اس حوالے سے شیرا نے سوشل میڈیا پر اپنے مالک کے نام ایک پیغام جاری کیا ہے سماجی رابطے کی ویب سائٹ انسٹاگرام پر شیرا نے ایک تصویر شیئر کی ہے جس میں شیرا سلمان خان کے ساتھ کھڑے ہیں-
https://www.instagram.com/p/CEyVrALh7QW/?utm_source=ig_embed
تصویر شئیر کرتے ہوئے کیپشن میں شیرا نے لکھا کہ مالک …سلمان خان اور میں پیچھے مڑ کر دیکھتے ہیں تو پتہ چلتا ہے کہ ہم کتنے عرصے سے ساتھ ہیں 26 سال ساتھ گزر گئے اور آخر تک ساتھ ہی گزریں گے۔
بھارتی میڈیا رپورٹس کے مطابق سلمان خان کے باڈی گارڈ شیرا بالی وڈ کے سب سے مہنگے ترین باڈی گارڈ ہیں جنہوں نے پچھلے 26 سالوں سے سلمان خان کا بھروسہ برقرار رکھا ہوا ہے وہ سلمان خان کے ساتھ سائے کی طرح چلتے ہیں۔
باڈی گارڈ شیرا سلمان خان کی حفاظت کے لئے ہمیشہ اُن کے ساتھ ساتھ رہتے ہیں اور آج بھی وہ سلمان خان کو ’مالک‘ کہہ کر مخاطب کرتے ہیں۔
شیرا کا اصلی نام ’گرمیت سنگھ جولی‘ ہے 1994 میں چندی گڑھ میں ایک شو کے دوران جب کچھ لوگوں نے اسٹیج پر چڑھنے کی کوشش کی اور پورا شو اس کی وجہ سے متاثر ہو گیا تو اُس کے بعد سلمان کے چھوٹے بھائی سہیل خان نے سلمان کے لیے شیرا کا انتخاب کیا تھا تب سے شیرا اور وہ ساتھ ہیں۔
شیرا سلمان خان کے سب سے قریبی ساتھیوں میں سے ایک ہیں جبکہ ان دونوں کے لیے کہا جاتا ہے کہ دونوں کے بیچ باڈی گارڈ اور مالک والا رشتہ نہیں ہے بلکہ اُس سے بڑھ کر ایک رشتہ ہے لیکن شیرا سلمان خان کو مالک ہی کہتے ہیں۔
شیرا نے ایک انٹرویو میں سلمان خان کے متعلق پوچھے گئے سول پر کہا کہ جب تک میں زندہ ہوں میں بھائی کے ساتھ رہوں گا۔میں کبھی بھائی کے پیچھے یا بغل میں کھڑا نہیں رہتا بلکہ میں ہمیشہ بھائی کے سامنے رہتا ہوں تاکہ اُن پر کوئی آنچ نہ آئے۔
