پاکستان کی مورف شیف شیریں انورکےساتھ اسٹریٹ کرائم کی واردات

پاکستان کی معروف شیف شیرین انور کے ساتھ اسٹریٹ کرائم کی واردات ہوگئی۔

باغی ٹی وی : شیرین انور نے اپنے ساتھ پیش آنے والے واقعے سے متعلق نجی ٹی وی کے مارننگ شو میں انکشاف کیا جس کا ویڈیو کلپ سوشل میڈیا کے مختلف پلیٹ فارمز پر زیر گردش ہے۔

انہوں نے بتایا کہ میرے ساتھ اسٹریٹ کرائم کا واقعہ پیش آیا جس نے مجھے بہت زیادہ خوفزدہ کیا، ڈکیت مجھے پہچان گئے اور انہوں نے کہا کہ آپ شیرین آپا ہیں نا مصالحہ ٹی وہ والی-

پاکستانی شیف نے کہا کہ انہوں نے مجھے 2 سے 3 تھپڑ مارے اور دھمکی دی کہ اگر تم نے کسی کو ہماری شکایت کی تو تمہیں ٹی وی پر آکر گلا کاٹ کر مار ڈالیں گے۔

لاہور میں کروڑوں روپے کی جعلی کرنسی پکڑی گئی

شیرین انور کا کہنا تھا کہ اس واقعے نے ان پر اتنا گہرا اثر ڈالا کہ اب کوئی بھی موٹر سائیکل ان کے قریب سے گزرتی ہے تو وہ کانپنے لگتی ہیں، انہیں خوف آتا ہے کہ کہیں وہی لوگ دوبارہ ان کے سامنے تو نہیں آگئے۔