پاکستان شوبز انڈسٹری کے نامور اداکار شہریار منور چھ سال بعد جلدی ہی چھوٹی سکرین پر دکھائی دیں گے-

باغی ٹی وی : مایا علی اور ڈیزائنر و میزبان حسن شہر یار یاسین کے بعد اب نامور اداکار شہریار منور نے بھی نئے ڈرامہ سیریل پہلی سی محبت میں جلوہ گر ہوں گے-

اس سے قبل شہریا منور اور مایا علی نے فلم پرے ہٹ لو میں ایک دوسرے کے مقابل اداکاری کی تھی ان کی جوڑی کو شائقین کی جانب سے بے حد پسند کیا گیا تھا تاہم اب پھر دونوں فنکار ڈرامہ پہلی سی محبت میں نظر آئیں گے-

شہریار منور جو چھ سال کے لمبے عرصے کے بعد ٹی وی پر واپسی کر رہے ہیں اس کی تصدیق اداکار نے سوشل میڈیا پر کی-

سماجی رابطے کی ویب سائٹ انسٹا گرام پر اداکار نے ’پہلی سی محبت‘ کے اسکرپٹ کی تصویر شیئر کرتے ہوئے اعلان کیا کہ وہ جلد ہی اپنے مداحوں کو چھوٹی سکرین پر دکھائی دیں گے-
https://www.instagram.com/p/CETvA_4na8R/
شہر یار منور نے چھوٹی اسکرین پر واپسی کا اعلان کرتے ہوئے بتایا کہ انہوں نے ڈائریکٹر انجم شہزاد کے ساتھ ڈرامہ ’پہلی سی محبت‘ سائن کر لیا ہے۔

اداکار نے اپنی پوسٹ کے کیپشن میں شعر لکھا کہ ، اور بھی دکھ ہیں زمانے میں محبت کے سوا، راحتیں اور بھی ہیں وصل کی راحت کے سوا

اداکار نے کہا کہ وہ اپنے نئے پروجیکٹ کے حوالے سے بہت پرجوش ہیں۔ اس پراجیکٹ کو آئی ڈریم پروڈیوس کر رہا ہے جسے نجی چینل پر نشر کیا جائے گا۔

واضح رہے کہ اس سے قبل مایا علی اور شہریار حسن یاسین نے بھی اپنی انسٹاگرام پوسٹ پر مذکورہ ڈرامہ سائن کرنے کا اعلان کیا تھا حسن شہریار یاسین نے سماجی رابطے کی ویب سائٹ انسٹاگرام پر اداکاری کے میدان میں قدم رکھنے سے متعلق اعلان کرتے ہوئے لکھا تھا کہ پہلی سی محبت میں ٹی وی پر ایکٹنگ ڈیبیو کے اعلان کے لیے پُرجوش ہوں-

جبکہ اس سے قبل معروف اداکارہ مایا علی نے حال ہی میں انسٹاگرام پر اپنے نئے ڈرامے پہلی سی محبت کے اسکرپٹ کی تصویر شئیر کرتے ہوئے 3 سال بعد چھوٹی اسکرین پر واپسی کا اعلان کیا تھا-

مایا علی جلد ہی نئے ڈرامے میں جلوہ گر ہوں گی

نامور ڈیزائنر اور میزبان حسن شہریار یاسین ٹیلی ویژن پر اداکاری کرنے کے لیے تیار