شہباز گل نے ایسا کیا کردیا کہ شبلی فراز برہم ہوگئے ؟
باغی ٹی وی : صحافیوں سے کیوں گفتگو کی ۔۔۔؟ وزیر اطلاعات شبلی فراز شہباز گل پر برہم ہوگئے . شہباز گل نے وضاحت کرتے ہوئے کہا کہ اس کے جواب میں صحافیوں کو صرف قرض کے متعلق نمبرز کا بتایا تھا جس پر شبلی فراز نے کہا کہ یہ آپ کا نہیں میرا کام ہے ۔
تفصیلات کے مطابق پارلیمانی پارٹی اجلاس کے بعد معاون خصوصی شہباز گل نے صحافیوں سے بات چیت کی جس پر پر وفاقی وزیراطلاعات شبلی فراز برہم ہو گئے، اور شہباز گل کو صحافیوں سے بات کرنے سے روک دیا
شبلی فراز نے شہبازگل سے کہا کہ آپ صحافیوں کے ساتھ کھڑے نہ ہوں، میں پریس کانفرنس کرنے جارہا ہوں۔ جس پر شہبازگل نے کہا کہ میں صحافیوں کے سوالات کے جواب دے رہا ہوں۔ شبلی فراز نے برہمی کا اظہار کرتے ہوئے کہا کہ یہ میرا کام ہے، آپ ایسا نہیں کر سکتے، آپ بھی میرے ساتھ پریس کانفرنس میں آجائیں۔
