عائشہ ذوالفقار
بالی ووڈاداکارہ شلپا شیٹھی کے شوہر راج کندرکو فحش فلمیں بنانے اور انہیں مختلف پلیٹ فارمز پر شیئر کرنے کے الزامات کے تحت حراست میں لیا تھااور اب انہیں عدالت نے 27 جولائی تک جسمانی ریمانڈ پر پولیس کے حوالے کر رکھا ہے ۔
باغی ٹی وی : ٹائمز آف انڈیا کی رپورٹ کے مطابق شلپا شیٹھی کے قریبی ذرائع کا کہناہے کہ اداکارہ نے راج کندرا کی ایپلی کیشن ” ہاٹ شاٹس “ کے ساتھ تعلق سے انکار کر دیاہے اور ان کے مطابق ’ جنسی خواہشات کو ابھارنے والے مواد ‘ اور فحش فلموں میں فرق ہو تاہے ۔
ذرائع کا کہناتھا کہ اداکارہ شلپا شیٹھی نے اپنے شوہر کو سپورٹ کرتے ہوئے کہا کہ راج کندرا فحش فلمیں بنانے میں ملوث نہیں ہیں ۔
واضح رہے کہ پولیس نے اداکارہ شلپا شیٹھی کے گھر پر چھاپہ مار کارروائی کے دوران ایک ہارڈ ڈسک اور کمپیوٹر تحویل میں لیا تھا ، جس میں سے 70 سے زائد فحش فلمیں برآمد ہوئی تھیں اداکارہ سے پوچھا گیا کہ انہوں نے کندرا کی ’ ویان انڈسٹریز ‘ سے استعفیٰ کیوں دیا تھا ۔پ
پولیس نے اب تک فحش فلموں کے معاملے میں 11 افراد کو حراست میں لے رکھا ہے جبکہ راج کندرا کے بارے میں کہا جارہاہے کہ وہ سازش کا اہم کردار ہے اور پولیس کے پاس اس حوالے سے واضح ثبوت موجود ہیں ۔
