اسلام آباد کی مقامی عدالت نے سابق صدر آصف زرداری پر قتل کی سازش کے الزامات کے کیس میں عوامی مسلم لیگ کے سربراہ شیخ رشید کے خلاف فرد جرم کی کارروائی پھر موخر کردی۔
باغی ٹی وی: جوڈیشل مجسٹریٹ عباس شاہ نے شیخ رشید کے کیس کی سماعت کی، سابق وزیر داخلہ کے وکیل سردار شہباز عدالت میں پیش ہوئے شیخ رشید کی جانب سے آج حاضری سے استثنیٰ کی درخواست دائر کی گئی۔
امریکی حکام کی سی آئی اے سربراہ کے دورہ چین کی تصدیق
وکیل نے دلائل دیتے ہوئے کہا کہ شیخ رشید کو گرفتار کرنے کے لیے پولیس سرگرم ہے ، وہ ضمانت پر ہیں اور کسی کیس میں مطلوب نہیں وکیل نے استدعا کی کہ شیخ رشید موجودہ صورتِ حال میں پیش نہیں ہو سکتے، استثنیٰ دیا جائے۔
عدالت نے شیخ رشید کی آج کے لیے حاضری سے استثنیٰ کی درخواست منظور کرلی،اور فرد جرم کی کارروائی مؤخر کرتے ہوئے سماعت 10 جولائی تک ملتوی کردی۔
واضح رہے کہ سابق وزیر داخلہ شیخ رشید کو آصف زرداری پر عمران خان کو قتل کرنےکی سازش سےمتعلق بیان پررواں برس 2 فروری کو رات گئے گرفتار کیا گیا تھا پیپلزپارٹی کےایک مقامی رہنما راجا عنایت نےشیخ رشید کے خلاف سابق صدرآصف علی زرداری پر عمران خان کے قتل کی سازش کا الزام لگانے پر شکایت درج کرائی تھی۔
شکایت گزار کی مدعیت میں تھانہ آبپارہ پولیس نے آصف زرداری پر عمران خان کو قتل کرنے کی سازش سے متعلق بیان پر مقدمہ درج کیا تھا،جس میں پاکستان پینل کوڈ کی دفعات 120-بی، 153 اے اور 505 شامل کی گئی تھیں گرفتاری کےبعد انہیں اسی روز اسلام آباد کی مقامی عدالت میں پیش کیا گیا تھا جہاں عدالت نے ان کا دو روزہ جسمانی ریمانڈ منظور کیا تھا۔
جناح ہاؤس حملہ کیس ، یاسمین راشد مقدمے سے ڈسچارج
دوسری جانب 3 فروری کو وزیر خارجہ اور پاکستان پیپلز پارٹی کے چیئرمین بلاول بھٹو زرداری کے خلاف نازیبا زبان استعمال کرنے پر شیخ رشید کے خلاف کراچی میں بھی مقدمہ درج کرلیا گیا تھا شیخ رشید کے خلاف کراچی کے موچکو، حب کے لسبیلہ اور مری کے تھانوں میں مقدمات درج کیے گئے تھے جس کے بعد ایف آئی آر کو سیل کردیا گیا تھا۔
علاوہ ازیں ایک اور مقدمہ 4 فروری کو تھانہ صدر میں پیپلز پارٹی کے کارکن کی مدعیت میں درج کیا گیا تھا جس میں شیخ رشید پر امن و امان کو خراب کرنے اور جان بوجھ کر اشتعال پھیلانے کا الزام عائد کیا گیا تھا۔
تاہم 16 فروری کو اسلام آباد ہائی کورٹ نے سابق صدر آصف زرداری پر عمران خان کے قتل کی سازش کے الزام سے متعلق کیس میں گرفتار شیخ رشید کی درخواست ضمانت منظور کرلی تھی جس کے بعد انہیں جیل سے رہا کردیا گیا تھا۔
