سیکیورٹی فورسز نے شمالی وزیرستان کے ضلع ہمزونی میں دہشت گردوں کی موجودگی کی اطلاع پر آپریشن کیا۔
پاک فوج کے شعبہ تعلقات عامہ (آئی ایس پی آر) کے مطابق شدید فائرنگ کے تبادلے میں 6 دہشت گرد مارے گئے۔ مارے گئے دہشت گردوں کی شناخت دہشت گرد محمد علی، دہشت گرد مطیع اللہ، دہشت گرد محمد عمر، دہشت گرد اختر حسین، دہشت گرد شیر اور دہشت گرد وسیم کے نام سے ہوئی ہے۔
آئی ایس پی آر کے مطابق مارے گئے دہشت گردوں سے اسلحہ، گولہ بارود اور آلات بھی برآمد ہوئے جن میں سب مشین گنز، ہینڈ گرنیڈ، بارودی سرنگیں، ہتھکڑیاں اور کثیر تعداد میں کیلیبر راؤنڈز شامل ہیں۔
آئی ایس پی آر کے مطابق ہلاک دہشت گرد سیکیورٹی فورسز کے خلاف دہشت گردی، ٹارگٹ کلنگ اور اغوا برائے تاوان کی وارداتوں میں ملوث تھے۔ علاقے کے مقامی لوگوں نے آپریشن کو سراہا اور علاقے سے دہشت گردی کی لعنت کے خاتمے کے لیے بھرپور تعاون کا اظہار کیا۔
Leave a reply
