پاکستان کرکٹ ٹیم کے سابق فاسٹ باؤلر شعیب اختر پی ایس ایل کی افتتاحی تقریب کے آغاز پر میزبانی کرنے والے احمد گوڈیل کی حمایت میں میدان میں آ گئے
باغی ٹی وی کی رپورٹ کے مطابق سماجی رابطے کی ویب سائٹ ٹوئٹر پر احمد گوڈیل نےشعیب اختر کا ایک ویڈیو بیان شیئر کیا ہے جس میں وہ ان کی میزبانی کی حمایت کرتےدکھائی دے رہے ہیں
https://twitter.com/VJGodil/status/1230940827339427846?s=19
شعیب اختر کا اپنے ویڈیو پیغام میں کہنا ہے کہ احمد کے لیے عام طور پر لوگوں میں غلط فہمی پائی جا رہی ہے کہ یہ عمران خان کی نقل کرتے ہیں جبکہ اصل میں ایسا کچھ نہیں ہے انہوں نے کہا کہ لوگوں نے ایک تنازع کھڑا کردیا جبکہ احمد نے ایسا کچھ کیا بھی نہیں
ویڈیو کے آخر میں شعیب اختر نے ساتھ کھڑے احمد کی نشاندہی کرتے ہوئے کہا کہ یہ ایک اچھے انسان ہیں اور مستقبل کے اسٹار بھی ہیں احمد گوڈیل نے ویڈیو کے کیپشن میں شعیب اختر کا شاکریہ ادا کیا
واضح رہے کہ پی ایس ایل فائیو کی افتتاحی تقریب کی میزبانی کے فرائض سر انجام دینے والے احمد گوڈیل کو ان کے انداز بیان پر شدید تنقید کی گئی تھی اور کہا جارہا تھا کہ وہ عمران خان کی تقاریر سے متاثر ہوکر ان کی ہی نقل کرنے کی کوشش کررہے ہیں