شعیب ملک کے بعد کون سے پاکستانی کرکٹر بھارت سے دلہن لائیں گے، جانئے اس رپورٹ میں

شعیب ملک کے بعد ایک اور پاکستانی کرکٹر نے بھارت میں شادی کا فیصلہ کر لیا۔

تفصیلات کے مطابق پاکستان کے تیز رفتار باولر حسن علی بھارتی شہر میوات سے تعلق رکھنے والی سامیہ آرزو سے شادی کریں گے۔سامیہ عمارات ائیرلائنس میں انجینئر ہیں۔

تاہم حسن علی نے اس کی کوئی تصدیق یا تردید نہیں کی۔ ذرائع کے مطابق 20 اگست کو ان کا نکاح دبئی میں ہوگا۔

سامیہ آرزو کے والد لیا قت علی کے مطابق وہ اس تقریب میں شرکت کے لئے 17 اگست کوروانہ ہو جائیں گے۔ نکاح کی تقریب دبئی کے جمیرہ کے اٹلانٹس ہوٹل میں ہوگی۔

یاد رہے کہ یہ دوسری دفعہ ہو گا جب کوئی پاکستانی کھلاڑی اپنی بیوی بھارت سے بیاہ کر لے جائے گا۔ قبل ازیں شعیب ملک نے ہندوستان کی معروف ٹینس کھلاڑی ثانیہ مرزا سے شادی کی تھی۔ پاکستان کے دو عظیم بلے باز ظہیر عباس اور محسن حسن خان نے بھی ہندوستانی خواتین سے شادی کی ہے۔