امریکی ریاست ٹیکساس میں گھر کے باہر شور شرابے سے روکنے پر مسلح شخص نے فائرنگ کرکے بچے سمیت 5 افراد کو قتل کردیا۔
باغی ٹی وی: غیر ملکی میڈیا رپورٹس کے مطابق امریکی ریاست ٹیکساس میں گھر کے باہر شور شرابا کرنے سے روکنے پر مسلح شخص نے پڑوسیوں کے گھر میں داخل ہو کر بچے سمیت 5 افراد کو قتل کردیا۔
معروف امریکی اینکرجیری اسپرنگر79 سال کی عمر میں انتقال کر گئے
پولیس کا کہنا ہے کہ 38 سالہ ملزم رات کے وقت اپنے گھر سے نکل کر باہر شور مچاتے ہوئے اپنی رائفل سے فائرنگ کر رہا تھا جس پر پڑوسیوں نے اسے روکنے کی کوشش کی کہا کہ ہم بچوں کو سلانے کی کوشش کر رہے ہیں، آپ یہ فائرنگ اور شور شرابا بند کریں، اس کے بعد دونوں ہی اپنے گھروں کو لوٹ گئے لیکن کچھ دیر بعد مسلح شخص اپنی رائفل لے کر پڑوسیوں کے گھر میں داخل ہو گیا اوراس نے فائرنگ شروع کر دی۔
پولیس کے مطابق واقعے کے وقت گھر میں 10 افراد موجود تھے، ملزم نے فائرنگ کرکے ایک بچے سمیت 5 افراد کو ہلاک کر دیا ہلاک ہونے والے تمام افراد کا تعلق ہونڈوراس سے تھا اور ان میں ایک آٹھ سالہ بچہ بھی شامل تھافائرنگ کا یہ واقعہ جمعہ کی رات ہیوسٹن کے شمال میں واقع سان جیکنٹو کاؤنٹی کے چھوٹے سے قصبے کلیولینڈ میں پیش آیا۔
ترک صدر کو زہردیئے جانے کی افواہیں،ترک وزارت صحت کا ردعمل بھی آ گیا
قامی شیرف گریگ کیپرز کے مطابق ہلاک ہونے والوں میں دو خواتین بھی شامل تھیں جو زندہ بچ جانے والے دو بچوں کے اوپر لیٹی ہوئی تھیں میری رائے میں، وہ دراصل بچوں کی دیکھ بھال اور انہیں زندہ رکھنے کی کوشش کر رہے تھے انہوں نے مزید کہا کہ تمام متاثرین کو "گردن سے اوپر، تقریبا پھانسی کے انداز میں، بنیادی طور پر سر میں” گولی ماری گئی تھی۔
پولیس کے پہنچنے سے قبل ہی ملزم سیم ہوسٹن کے جنگلات کی طرف فرار ہو گیا تھا، ملزم کی تلاش جاری ہے پولیس مشتبہ شخص کی تلاش میں کتوں اور ڈرون کا استعمال کر رہی ہے-
پڑوسی ویرونیکا پینیڈا نے کہا کہ اس نے فائرنگ کی آواز سنی، لیکن گولی چلنے کی آواز معمول کی بات ہے: "یہ معمول کی بات ہے، اس محلے میں وہ ہمیشہ گولی چلاتے رہتے ہیں۔ وہ ہمیشہ پولیس والوں کو کال کرتے رہتے ہیں اور اس کے لیے کچھ نہیں کیا جاتاتو کل میں نے شوٹنگ کی آواز سنی لیکن میں نے سوچا کہ یہ ایک عام دن کی طرح ہے۔ میں نے کبھی نہیں سوچا تھا کہ ایسا ہو رہا ہے۔
