شہدا کی فیملیز کو عید کی خوشیوں میں شامل رکھنا ہماری اولین ترجیح

سرگودہا(نمائندہ باغی ٹی وی )شہدا کی فیملیز کو عید کی خوشیوں میں شامل رکھنا ہماری اولین ترجیح ہے
ریجنل پولیس افسر سرگودھا سید خرم علی اور ڈسٹرکٹ پولیس افسر حسن مشتاق سکھیرا آج شہید کانسٹیبل ساجد حسین اور شہید کانسٹیبل عابد حسین کے گھر پہنچے اور دونو ں شہید بھائیوں کی والدہ سے ملاقات کی ۔اس موقع پر ریجنل پولیس افسر سرگودھا کا کہنا تھا کہ انسپکٹر جنرل آف پولیس پنجاب کپٹن ر عارف نواز خان کے ویژن کے مطابق شہدا کی فیملیز ہمیشہ ہماری اولین ترجیحات میں شامل رہیں گی جب کہ ڈسٹرکٹ پولیس افسر سرگودھا کا کہنا تھا کہ اللّه پاک نے آپ کو اس عظیم ماں کے رتبے سے نوازا ہےکہ جس نے اپنے 2 جوان بیٹے اس ملک کی خاطر قربان کر دئیے ۔شہدا کی اس عظیم ماں کو عید کی مناسبت سے راشن اور دیگر تحائف کے ساتھ پھولوں کا گلدستہ بھی پیش کیا گیا۔اس موقع پر 2 شہید بیٹوں کی ماں کا کہنا تھا کہ انھیں فخر ہے کہ وہ 2 شہید بیٹوں کی والدہ ہیں جنہوں نے سرگودھا پولیس کی طرف سے عوام کے جان و مال کے تحفظ کی خاطر اپنی جان قربان کی۔