شجاع آباد جنرل بس اسٹینڈ پر 2 گروپوں میں تصادم 11 افراد شدید زخمی دو کی حالت تشویشناک

شجاع آباد(نمائندہ باغی ٹی وی ) شجاع آباد میں کھوکھراں بس اسٹینڈ پر اڈے سے بھتہ وصولی کے تنازع پر دو گروپوں میں جھگڑا ہوا دونوں گروپوں کے درمیان فائرنگ کے تبادلے میں 11 افراد زخمی ہوگئے ہیں زخمی افراد میں سے 2 کی حالت تشویشناک بتائی جا رہی ہے تمام زخمی افراد کو سول ہسپتال شجاع آباد منتقل کردیا گیا ہے اس واقعہ کی اطلاح ملتے ہی ریسکیو 1122 سروس فوری طور پر موقع پر پہنچ گئی۔ تاہم پولیس کے موقع پر پہنچنے پر دونوں گروہ منتشر ہوگئے ہیں پولیس کے مطابق واقع کی تحقیقات کی جارہی ہیں اور اس واقع میں تمام ملوث افراد کے خلاف قانونی کارروائی کی جائے گی ۔ پولیس کی جانب سے ابھی تک کوئی گرفتاری سامنے نہیں آئی رپورٹ رانا اظہر منیر نمائندہ باغی ٹی وی ملتان شجاع آباد