شجاع آباد ریلوے پھاٹک تا بستی ملوک روڈ عرصہ دراز سے خستہ حالی کا شکار عوام سراپا احتجاج

شجاع آباد(نمائندہ باغی ٹی وی ) ریلوے پھاٹک تا بستی ملوک روڈ انتظامیہ کی جانب سے عدم توجہ کے باعث جگہ جگہ سے ٹوٹ پھوٹ کا شکار سابقہ حکومت میں روڈ کو تعمیر کرنے کی غرض سے اس کے کچھ حصہ پر کام شرو کیا گیا مگر مٹی اور پتھر ڈالنے کے بعد روڈ کو مکمل نہیں کیا گیا ۔اور کام کو ادھورا چھوڑ دیا گیا اب یہ روڈ خونی روڈ بن چکا ہے اے روز حادثات کا روح نما ہونا معمول بن چکا ہے ۔باغی ٹی وی کو خصوصی انٹرویو دیتے ہوۓ بستی محمد پور کے مکینو ں نے کہا کے ایک عرصہ دراز سے یہے روڈ خستہ حالی کا شکار ہے سیوریج کا نظام نا ہونے کی وجہ سے پورے روڈ پر جگہ جگہ گٹروں نالیوں اور بارش کا غلاظت سے بھرا ہوا پانی کھڑا رہتا ہے۔ارباب اختیار تک بار بار کمپلین جمع کرانے کے باوجود بھی اس پر کسی قسم کا کوئی ایکشن نہیں لیا گیا ۔ نالیوں گٹروں اور بارش کا پانی روڈ پر کھڑا ہونے کی وجہ سے وبائی امراض پھیل رہے ہیں۔سابقہ حکومتوں کی طرح موجودہ حکومت کے بھی ممبران نے ووٹ لینے کے بعد اس روڈ کی تعمیر کے لیے کوئی کام نہیں کیا۔اس روڈ پر بہت سے سکول موجود ہیں جہاں پر اس علاقے کے چھوٹے بچے تعلیم حاصل کرتے ہیں ان چھوٹے بچوں کا بھی گزر اسی روڈ سے ہوتا ہے روڈ پر گندا اور غلاظت سے بھرا ہوا پانی جمع ہونے کی وجہ سے بچے مختلف وبائی امراض میں مبتلا ہو چکے ہیں علاقہ مکینوں نے باغی ٹی وی کو بتایا کہ یہاں پر ہیپی ٹائٹس سی کے مریضوں کی تعداد بہت زیادہ ہے گٹروں نالیوں کا پانی زیر زمین پانی میں جمع ہونے کی وجہ سے ہی لوگ مختلف امراض میں مبتلا ہو رہے ہیں ہماری ارباب اختیار اور اعلی حکام سے گزارش ہے خدارا ہمارے حال پر رحم کیا جائے سیوریج کے نظام کو بہتر کیا جائے اس کے ساتھ ہی روڈ کی تعمیر کو بھی یقینی بنایا جائے تاکہ مستقبل میں رونما ہونے والے وبائی امراض اور حادثات سے بچا جا سکے رانا اظہر منیر نمائندہ باغی ٹی وی ملتان شجاع آباد