شکریہ عمران خان ، نوجوت سنگھ سندھو پاکستان آنے کو تیار
باغی ٹی وی کی رپورٹ کے مطابق نوجوت سنگھ سدھو نے 9 نومبر کو کرتار پور راہداری کی افتتاحی تقریب میں شرکت کااعلان کیا ہے، ترجمان دفتر خارجہ کی جانب سے ویزہ جاری ہونے کی خبر کے بعد نوجوت سنگھ سندھو کا کہنا تھا کہ دربار صاحب کی افتتاحی تقریب میں شرکت کےلیےبے قرار ہوں ،وزیراعظم عمران خان کے شکرگزار ہیں،
نوجوت سنگھ کا مزید کہنا تھا کہ کروڑوں سکھ اپنی مقدس دھرتی کی زیارت کیلئےبیتاب ہیں ،باباگرونانک کے 550ویں جنم دن پر دربار صاحب کا افتتاح تاریخی موقع ہے ،اس عنایت پرحکومت پاکستان خصوصاً وزیراعظم کے شکرگزارہیں،
ترجمان دفتر خارجہ ڈاکٹر محمد فیصل نے ہفتہ وار بریفنگ میں کہا کہ نوجوت سنگھ سدھو کو ویزا جاری کر دیا گیا ہے، امید ہے وہ تشریف لائیں گے، کرتارپور راہداری سے خطے کی تاریخ بدلے گی،
واضح رہے کہ 18 اگست 2018 کو وزیر اعظم عمران خان کی تقریب حلف برداری میں آرمی چیف جنرل قمر جاوید باجوہ نے سابق بھارتی کرکٹر نوجوت سنگھ سدھو کو کرتارپور راہداری کھولنے کی خوشخبری سنائی۔ 28 نومبر 2018 کو وزیر اعظم عمران خان نے کرتار پور راہداری کا سنگ بنیاد رکھا۔
وزیر اعظم عمران خان 9 نومبر کو کرتار پور راہداری منصوبے کا باقاعدہ افتتاح کرینگے جبکہ 12 نومبر کو بابا گرونانک کا 550 واں جنم دن منایا جائے گا،
کرتارپورراہداری کا ہر صورت افتتاح کیا جائے گا، وزیر مذہبی امور
کرتارپور راہداری کب کھولی جائے گی؟ گورنر پنجاب نے بتا دیا
