سیالکوٹ،باغی ٹی وی(بیوروچیف شاہدریاض)ڈی پی او سیالکوٹ کی خصوصی ہدایت پر تھانہ کوتوالی کے دبنگ ایس ایچ او کاشف بٹ نے منشیات فروشوں کے خلاف کامیاب کارروائی کرتے ہوئے ملزم شاہد بٹ ولد محمد سلیم کو گرفتار کر لیا۔
تفصیلات کے مطابق ملزم کے قبضے سے 3 کلو 200 گرام چرس اور 2300 روپے نقدی برآمد کر کے مقدمہ درج کر لیا گیا۔ شاہد بٹ عرصہ دراز سے اس مکروہ دھندے میں ملوث تھا، جس پر اہل علاقہ نے ایس ایچ او کاشف بٹ کے اقدامات کو سراہتے ہوئے شکریہ ادا کیا۔
باغی ٹی وی کے بیوروچیف شاہد ریاض سے خصوصی گفتگو کرتے ہوئے ایس ایچ او کاشف بٹ نے کہاکہ”منشیات فروش معاشرے کے ناسور ہیں، جنہوں نے کئی خاندانوں کو تباہی کے دہانے پر پہنچا دیا۔ ہم کسی کو منشیات فروخت کرنے یا استعمال کی اجازت نہیں دیں گے۔ علاقہ کوتوالی کو امن کا گہوارہ بنا کر دم لیں گے۔”
ملزم کے خلاف مقدمہ درج کرتے ہوئے تفتیش کا دائرہ وسیع کر دیا گیا ہے تاکہ اس مکروہ دھندے کی جڑوں تک پہنچا جا سکے۔
