سیالکوٹ :پورا شہرڈاکوؤں کے حوالے ،عوام لٹنے لگی ،پولیس تماشائی بن گئی

سیالکوٹ، باغی ٹی وی( سٹی رپورٹر شاہد ریاض )پورا شہرڈاکوؤں کے حوالے ،عوام لٹنے لگی ،پولیس تماشائی بن گئی
تفصیل کے مطابق سیالکوٹ کے شہریوں کو افسوس ناک صورت حال کا سامنا ،ڈکیتی و چوری کی وارداتوں میں دن بدن اضافہ ہوچکا ہے ،پوراشہر ڈاکوؤں کے نرغے میں آچکا ہے ،شہریوں کاکہنا ہے کہ ایسالگتا ہے پولیس بےبس صرف تماشائی بن چکی ہے اور صرف اپنی دیہاڑی لگانے کے چکر میں مصروف نظرآتی ہے اورپوراسیالکوٹ شہر ڈاکوسٹیٹ بن چکا ہے
تھانہ حاجی پورہ کے علاقہ میں ڈکیتی کی واردات شہری میزان بینک سے آٹھ لاکھ روپے نکلوا کر موٹر سائیکل پر واپس جا رہے تھے کہ بجلی محلہ گلہ اشرف بک ڈپو میں پہلے سے تعاقب کرتے ہوئے نامعلوم ڈاکووں نے گن پوائنٹ پر آٹھ لاکھ روپے لوٹ لیے اور آسانی سے فرار ہونے میں کامیاب بھی ہو گئے ،
شہری کہتے ہیں کہ حاجی پورہ روڈ کی حدود میں ہر دفعہ میزان بینک سے پیسے لے کر نکلنے والے ہی کیوں لٹتے ہیں ، شہریوں نے بڑھتی ہوئی وارداتوں پر پولیس کے اعلیٰ افسران سے فوری نوٹس لینے کا مطالبہ کر دیا ،
یہ بھی پڑھیں
سیالکوٹ: چور، ڈکیت منہ زور ، تھانہ کینٹ کی حدود میں رواں سال کی سب سے بڑی چوری
جبکہ پولیس تھانہ حاجی پورہ کا کہنا ہے کہ ہم نے ہر بنک میں لکھ کر لگایا ہوا ہے کہ بڑی رقم نکلوانے والے شہری پولیس کو اطلاع دیں تاکہ ان کی رقم پولیس سیکورٹی میں بحفاظت ان کے مطلوبہ مقام تک پہنچائی جائے ،اطلاع ملتے ہی پولیس کی بھاری نفری فوراََ جائے وقوعہ پر پہنچ گئی ،سب انسپکٹر عادل باجوہ اور ASI خالد گھمن مصروف تفتیش ہیں اور ملزمان کی تلاش جاری ،ڈی ایس پی طارق محمود ڈھڈی کا نوٹس شہر بھر کی ناکہ بندی کردی گئی لیکن ایسا لگتا ہے ڈاکوؤں کوزمین کھا گئی یا آسمان نگل گیا-