سیالکوٹ۔ پولیس اہلکار اغوا برائے تاوان میں ملوث نکلے،ڈی پی او نے حوالات میں بند کرادیا

سیالکوٹ،باغی ٹی وی (بیوروچیف شاہدریاض)تھانہ سٹی ڈسکہ میں تعینات پولیس اہلکار اغوا برائے تاوان میں ملوث نکلے ،ڈی پی او سیالکوٹ محمد حسن اقبال نے چھاپہ مار کر شہریوں کو نجی ٹارچر سیل سے بازیاب کروا لیا ملوٹ پولیس ملازمین کو گرفتار کرکے حوالات بند کردیا

تفصیل کے مطابق اغوا برائے تاوان کی واردات میں ملوث پولیس ملازمین جن میں ملزمان ،افتحار سندھو ،سلیم میو اور محمد فیاض کو تھانہ سٹی ڈسکہ کی حوالات میں بند کر کے مقدمہ درج کرلیا

تھانہ سٹی ڈسکہ کے تین پولیس اہلکاروں افتحار سندھو ،سلیم میو اور محمد فیاض نے تین معصوم شہریوں عبدالرحمن ،زین اور عبداللہ کو منشیات فروشی کا الزام لگا کر اغوا کر کے تھانہ صدر کے علاقہ پر موجود ایک ڈیرے پر محبوس رکھ کر ملزمان کے ورثا سے رہائی کیلے پانچ لاکھ روپے تاوان مانگ لیا ورثا نے پولیس اہلکاروں کیجانب سے تاوان کی رقم کے مطالبہ کی آڈیو ریکارڈنگ ڈی پی او سیالکوٹ کو سنا دی

جنہوں نے حود چھاپہ مار کر معصوم شہریوں کو تاوان کی نیت سے اغوا ہونے والے شہریوں کو رہا کروا دیا اور تینوں پولیس اہلکاروں کو ڈی پی او سیالکوٹ محمد حسن اقبال نے تھانہ سٹی ڈسکہ کی حوالات میں بند کرکے مقدمہ درج کروا دیا