سیالکوٹ،باغی ٹی وی( بیوروچیف شاہد ریاض): سیالکوٹ لاہور موٹروے (M-11) سمیت دیگر موٹرویز پر اوور اسپیڈ گاڑی چلانے والوں پر مقدمات کا اندراج شروع کر دیا گیا ہے۔
لاہور سیالکوٹ موٹروے پر 150 کلومیٹر سے زائد تیز رفتاری سے گاڑیاں چلانے والے 4 افراد کے خلاف مقدمات درج کیے گئے ہیں۔ اس کے علاوہ موٹرویز ایم 2، ایم 3، ایم 4 اور ایم 5 پر بھی تیز رفتاری سے گاڑی چلانے والے 16 افراد کے خلاف مقدمات درج کیے گئے ہیں۔
موٹروے پولیس کے مطابق 3 لین والی موٹروے پر حد رفتار 120 کلومیٹر فی گھنٹہ ہے، جبکہ پبلک گاڑیوں کے لیے رفتار 110 کلومیٹر فی گھنٹہ مقرر کی گئی ہے۔ موٹروے پولیس نے خبردار کیا ہے کہ جو بھی ڈرائیور 150 کلومیٹر فی گھنٹہ یا اس سے زائد رفتار سے گاڑی چلائے گا، اس کے خلاف سخت قانونی کارروائی کی جائے گی۔
