سیالکوٹ :شہری کااغواء کے بعد قتل ،بہنوئی، ہمزلف اور بیوی قاتل نکلے

سیالکوٹ، باغی ٹی وی (بیوروچیف شاہد ریاض سے)شہری کو اغواء کے بعد قتل کی واردات کا ڈراپ سین،بہنوئی، ہمزلف اور بیوی قاتل نکلے، نعش برآمد، تفیش جاری۔

تفصیلات، کے مطابق تھانہ بڈیانہ کے علاقہ فتح پور میں مسمی رمضان نے درخواست دی کہ اس کے 27 سالہ بھائی ناصر علی کو اس کی بیوی ناصرہ بی بی نے اپنے بھائی، بہن اور بہنوئی سے مل کر قتل کرنے کی نیت سے اغواء کر لیا ہے. جس پر فوری طور پر اغواء کا مقدمہ درج رجسٹر کیا گیا اور تفتیش مقدمہ عمل میں لائی گئی.

ڈی پی او سیالکوٹ محمد حسن اقبال نے شہری ناصر علی کے اغواء کی واردات کا نوٹس لیتے ہوئے ہدایات جاری کیں. جس پر ڈی ایس پی پسرور سرفراز احمد رانجھا کی زیر نگرانی ایس ایچ او تھانہ بڈیانہ انسپکٹر غازی عرفان اشرف پر مشتمیل ٹیم تشکیل دی گئیں،

پولیس ٹیم نے جدید سائنٹفک طریقے سے تفتیش عمل میں لا تےہوے گھر کی سیڑھیوں کے نیچے چھپائی گئی مقتول کی نعش کو برآمد کر لیا گیا ہے، جو نعش کو برائے پوسٹ مارٹم ہسپتال منتقل کردیا گیا ہے. قتل کی بابت مزید تفتیش جاری ہے.

ڈی پی او سیالکوٹ محمد حسن کا کہنا ہے کہ وقوعہ میں ملوث ملزمان کسی رعایت کے مستحق نہیں، ٹھوس شواہد کی بنیاد پر تفتیش مکمل کر کے ملزمان کو قرار واقعی سزا دلوائی جائے گی۔

مزید ڈی پی او سیالکوٹ محمد حسن اقبال نے پولیس ٹیم میں شامل افسران و ملازمان کو اس کارکردگی پر تعریفی سرٹفیکیٹ اور نقد انعام دینے کا اعلان کیا ہے ۔