وفاقی وزیر برائے ہوا بازی غلام سرور خان نے کہاہے کہ حکومت میں آنے کے بعد بھی جماعتی سطح پرتحریک انصاف بھرپور منظم اور متحرک ہے،

نام نہاد بڑی جمہوریت کے دعویدار بھارت کا اصل چہرہ دنیا پر بے نقاب ہو گیا، عمران خان

راولپنڈی ۔ 27 اکتوبر (اے پی پی) وفاقی وزیر برائے ہوا بازی غلام سرور خان نے کہاہے کہ حکومت میں آنے کے بعد بھی جماعتی سطح پرتحریک انصاف بھرپور منظم اور متحرک ہے، مرکزی سیکرٹریٹ میں عوام کی آمد و رفت تحریک انصاف کی مقبولیت اور عوام کے اعتماد کی مظہر ہے، رابطہِ عوام میں کوئی جماعت تحریک انصاف کی برابری نہ کرسکے گی ،چند شکست خوردہ گروہ ذاتی ایجنڈے کیلئے سیاست میں طلاطم برپا کرنے کے خواہاں ہیں،عوام انتشار والوں کے نہیںبلکہ کلی طور پر تعمیر کیلئے کوشاں تحریک انصاف کیساتھ ہیں۔ان خیالات کااظہار انہوں نے پاکستان تحریک انصاف کے مرکزی سیکرٹریٹ آمد کے موقع پر کیا ۔اس موقع پر انہوں نے چیف آرگنائزر سیف اللہ خان نیازی، مرکزی سیکرٹری جنرل عامر محمود کیانی, مرکزی نائب صدر زاہد حسین کاظمی اور مرکزی سیکرٹری مالیات سردار اظہر طارق سے ملاقات کی اور مرکزی نائب صدر زاہد حسین کاظمی کو بطور ایڈمنسٹریٹر مرکزی سیکرٹریٹ ذمہ داریاں سنبھالنے پر مبارکباددی اورنیک تمناوں اور خواہشات کا اظہارکیا ،

اس موقع پر چیف آرگنائزر پاکستان تحریکِ انصاف سیف اللہ خان نیازی نے کہا کہ وزیراعظم کی قیادت میں تحریک انصاف کی حکومت کی محنت بارآور ثابت ہونا شروع ہو گئی ہے، کاروبار میں آسانی کی عالمی درجہ بندی میں پاکستان کی 28 درجے بہتری یقیناً انتہائی محنت کا ثمر ہے۔کرنٹ اکاونٹ، زرمبادلہ کے ذخائر اور درمدات و برآمدات سمیت بیشتر معاشی اشاریے معیشت میں بتدریج کی خبر دے رہے ہیں۔مرکزی سیکرٹری جنرل پاکستان تحریکِ انصاف عامر محمود کیانی کا کہنا تھا کہ سیاست میں تشدد کی آمیزش جمہوریت کیلئے تباہ کن ثابت ہوتی ہے، جمہوریت کی بقاء و سلامتی کا کافی دار و مدار اہل سیاست کے رویوں اور طرز عمل پر ہے، تحریک انصاف کے مینڈیٹ سے انکار جمہور کے مینڈیٹ کی توہین اور آئین و جمہوریت سے فرار کے مترادف ہے۔