سیاسی قیادت تقسیم نہ ہو، یوم آزادی پر پاکستان اور کشمیر کا جھنڈا اٹھائیں، وزیر خارجہ

پاکستانی وزیر خارجہ شاہ محمود قریشی نے کہا ہے کہ چین کا دورہ بروقت اورمفید رہا ہے، چین کے وزیرخارجہ اوردیگراعلیٰ حکام سے ملاقات کی ہے،

باغی ٹی وی کی رپورٹ کے مطابق انہوں نے کہاکہ چین نے ایک مرتبہ پھر ثابت کر دیا ہے کہ وہ پاکستان کا لازوال دوست ہے، چینی وزیر خارجہ نےمقبوضہ جموں وکشمیرسے متعلق ہماری معروضات کو توجہ سے سنا، چینی قیادت تک پاکستان کا نکتہ نظر پہنچایا، عالمی برادری،انسانی حقوق کی عالمی تنظیمیں فوری طورپراس گھمبیرصورتحال کا نوٹس لیں، چین نے جو رسپانس دیا وہ ہماری توقعات کے عین مطابق ہے ، سیاسی قیادت سے درخواست ہے کہ کشمیر پر تقسیم نہ ہوں،

شاہ محمود قریشی نے کہاکہ چین نے ایک بار پھر ثابت کیا وہ ہمارے آڑے وقت کا ساتھی ہے ، چینی قیادت کے سامنے تاریخی تفصیل رکھی، چین نے ہمارے موقف کی حمایت کی ہے، چین نے ہمیں اقوام متحدہ بھی حمایت کا یقین دلایا ہے، دونوں ممالک نے مشترکہ حکمت عملی پر اتفاق کیا ہے، چینی وزیرخارجہ نےہمارےموقف کی بھرپورتائیدکی ، مسئلے پرہمارامکمل ساتھ دینےکاعندیہ دیا، 14 اگست کو پاکستان اور کشمیر کا جھنڈا بھی اٹھائیں،