fbpx

کراچی میں اتوار سے سائبیرین ہوائیں چل سکتی ہیں:محکمہ موسمیات

کراچی: سردی کی نئی لہر بالائی سندھ کو کل سے اپنی لپیٹ میں لے گی، کراچی میں سائبیرین ہوائیں چل سکتی ہیں اور درجہ حرارت 6 ڈگری تک گرسکتا ہے۔محکمہ موسمیات کے مطابق محکمہ موسمیات نے بتایا ہے کہ ہفتے کے روزیخ بستہ ہوائیں برقراررہیں اورکم سے کم پارہ 10 ڈگری سینٹی گریڈ ریکارڈ ہوا۔

بھارت میں مسلم نوجوان پر ہندو لڑکی سے بات کرنے پر بہیمانہ تشدد

محکمہ موسمیات کے مطابق ہواؤں کی زیادہ سے زیادہ رفتار 18 کلومیٹر فی گھنٹہ رہی، صبح کے وقت دھند چھانے کی وجہ سے حد نگاہ 3.5 کلو (3500) میٹرز رہی اور شہر کا کم سے کم پارہ 10 ڈگری اور زیادہ سے زیادہ 24.4 ڈگری سینٹی گریڈ ریکارڈ ہوا۔
ارلی وارننگ سینٹر کی جانب سے جاری دوسرے کولڈ ویو الرٹ کے مطابق اتوار سے صوبہ سندھ میں سردی کی نئی لہر آنے کاامکان ہے۔

کراچی، حیدرآباد، بدین، سجاول اور ٹھٹھ کے اضلاع میں کم سے کم درجہ حرارت 6 سے8 ڈگری، سکھر، گھوٹکی، لاڑکانہ، قمبر شہداد کوٹ، کشمور، شکارپور، جیکب آباد، جامشور، تھرپاکر، عمرکوٹ کے اضلاع میں کم سے کم درجہ حرارت 2 سے4 ڈگری جبکہ شہید بے نظیرآباد، نوشہرو فیروز، سانگھڑ، میرپورخاص، مٹیاری، ٹنڈوالہیار، ٹنڈومحمد خان کے اضلاع میں کم سے کم درجہ حرارت 3 سے 5 ڈگری تک گرسکتا ہے۔

کشمور کے شری گرو نانک گوردوارہ میں سکھ میلے کی تقریب،بھارت سمیت ملک بھر سے سکھ اور…

محکمہ موسمیات کے مطابق 25 جنوری کو کراچی میں سردی کی شدت میں نمایاں اضافہ متوقع ہے اور عوام کو سردی کی لہر کے دوران احتیاطی تدابیر اختیار کرنے کا مشورہ دیا گیا ہے۔