بھارت سے آئے 2470 سکھ یاتریوں نے گوردوارہ روہڑی ایمن آباد اور بعدازاں گورودوارہ دربار کرتارپور ناروال میں حاضری دی جبکہ متروکہ وقف املاک کی جانب سے یاتریوں کی سکیورٹی , میڈیکل , رہائش اور ٹرانسپورٹ کے خصوصی انتظامات کیے گئے
جاری اعلامیہ کے مطابق ڈپٹی سیکر ٹری شرائن سیف اللہ , بورڈ ترجمان عامر حسین ہاشمی و دیگر افسران مہمانوں کے ہمراہ تھے , کرتارپور ناروال پہنچنے پر CEO ابو بکر آفتاب قریشی , ڈپٹی سیکر ٹری رانا طارق نے دیگر افسران , سکھ رہنما وں کے ہمراہ یاتریوں کا استقبال کیا اور پھولوں کے گلدستے پیش کیے . بورڈ چیرمین کی ہدایات پر مہمانوں کے لیے خصوصی انتظامات کیے گیے جنھیں سکھ رہنما نے خوب سراہا .
اعلامیہ میں کہا گیا کہ پارٹی لیڈر سردار امرجیت سنگھ و ڈپٹی لیڈر بلونیدر سنگھ , جو گیندر سنگھ کور ,پرجیت سنگھ و دیگر نے کہا کہ کرتارپور راہداری ایک تاریخی عمل ہے جسے تاریخ ہمیشہ یاد رکھے گی , یہا ں آ کر ہم اپنے جذبات کا اظہار لفظوں میں نہیں کر سکتے , منگل سنگھ , جو گیا سنگھ , سندیپ سنگھ ,نے کہا کہ کے کرتاپور صاحب آ کر دیکھ کر آنکھوں کو یقین نہیں آتا .
مزید یہ بھی پڑھیں؛
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
جبکہ انہوں نے مزید کہا ہم حکومت پاکستان اور متروکہ وقف املاک بورڈ کے اقدامات پر انکا شکریہ ادا کرتے ہیں . چیرمین بورڈ نے ہماری سوچ سے زیادہ اچھے انتظامات کیے , سکھ رہنماوں نے وفاقی وزیر مذہبی امور مفتی عبدالشکور کی حادثہ میں وفات پر گہرے دکھ کا اظہار کرتے ہو ئے انکے لیے ارداس کی . یاتری کرتاپور میں ایک رات قیا م کے بعد آج 17 اپریل کو لاہور پہنچے گے
