یہ ہے پر امن لاہور،سکھ یاتری خواتین کے ساتھ ڈکیتی کی واردات
باغی ٹی وی کی رپورٹ کے مطابق پنجاب کے صوبائی دارالحکومت لاہو رمیں سکھ یاتریوں کے ساتھ ڈکیتی کی واردات ہوئی ،ڈولفن سکواڈ نے نیلا گنبد میں سکھ یاتری خواتین سے ہونے والی واردات کو ناکام بنا دیا۔
سکھ یاتری خواتین انارکلی میں شاپنگ کر رہی تھیں۔ موٹر سائیکل سوار 02 سنیچرز نے جھپٹا مارتے ہوئے خواتین سے پرس اور طلائی زیورات چھین لیے۔انار کلی میں سکھ یاتریوں کی حفاظت کے لیے گشت پر مامور ڈولفن ٹیم نے ملزمان کو قابو کر لیا۔ملزمان کے قبضہ سے چھینے گئے طلائی زیورات سکھ یاتری خواتین کے حوالے کر دیئے
سکھ یاتریوں کی بھارت میں ہی مودی کے خلاف نعرے بازی
سکھ یاتری خواتین کا اس موقع پر کہنا تھا کہ پاکستان ایک پر امن ملک ہے یہاں آکر تحفظ کا بھر پور احساس ہوتا ہے۔لاہور پولیس وڈولفن سکواڈ نے سکھ یاتریوں کے دل جیت لیے ہیں۔
ڈولفن اسکواڈ نے ملزمان احمد علی اور ندیم بٹ کو تھانہ اولڈ انار کلی کے حوالے کر دیا ہے۔ ایس پی ڈولفن نوید ارشاد کی طرف سے ڈی ایس پی سول لائنز شاہد رشید کو شاباش اور ٹیم کے لیے تعریفی اسناد و کیش انعامات کا اعلان کیا گیا
