حکومتِ سندھ نے 28 مئی 2025 کو یومِ تکبیر کے موقع پر صوبے بھر میں عام تعطیل کا اعلان کر دیا ہے۔
اس سلسلے میں جاری کیے گئے سرکاری نوٹیفکیشن کے مطابق بدھ کے روز صوبے بھر کے تمام سرکاری و نجی ادارے، دفاتر، بینک اور تعلیمی ادارے بند رہیں گے۔واضح رہے کہ یومِ تکبیر ہر سال 28 مئی کو اس دن کی یاد میں منایا جاتا ہے جب پاکستان نے 1998 میں ایٹمی دھماکے کر کے خود کو ایٹمی قوت کے طور پر دنیا کے نقشے پر منوایا۔ یہ دن ملک کی سلامتی اور دفاعی خودمختاری کی علامت کے طور پر منایا جاتا ہے۔
دوسری جانب اس موقع پر پاکستان اسٹاک ایکسچینج کی جانب سے بھی ایک اعلامیہ جاری کیا گیا ہے جس میں بتایا گیا ہے کہ بدھ، 28 مئی کو اسٹاک مارکیٹ میں کاروباری سرگرمیاں معطل رہیں گی۔ یوں مالیاتی ادارے، بروکریج ہاؤسز اور دیگر متعلقہ دفاتر بھی اس روز بند ہوں گے۔
یاد رہے کہ ہر سال یومِ تکبیر کے موقع پر قومی سطح پر مختلف تقریبات، دعائیہ اجتماعات اور قومی سلامتی سے متعلق تقاریر کا اہتمام کیا جاتا ہے۔ حکومت سندھ کی جانب سے تعطیل کا اعلان عوام کو اس دن کی اہمیت اجاگر کرنے اور قومی جذبے کو فروغ دینے کی ایک کوشش ہے۔
ہیٹ ویو الرٹ,ملک بھر میں شدید گرمی کا امکان
برطانیہ، فرانس اور کینیڈا کی اسرائیل کو بڑی دھمکی
امریکا کی بھارتی ٹریول ایجنٹس پر ویزا پابندیاں
اسلام آباد پر بھارتی قبضے کی جھوٹی خبروں نے بھارتی عوام کو پریشان کر دیا
افواج پاکستان نے دشمن کو ناقابل فراموش سبق سکھایا، قوم ساتھ کھڑی ہے،شہباز شریف