پاک فوج کے جوانوں کا ملک کے مختلف حصوں میں بارشوں اور سیلاب سے متاثرہ علاقوں میں سول انتظامیہ کے ساتھ ریسکیو اور ریلیف آپریش جاری ہے.
آئی ایس پی آر کے مطابق پاک فووج کی ایمرجنسی ریسپانڈ ٹیمیں متاثرہ علاقوں میں متاثرین میں مسلسل خوراک اورطبی سہولیات فراہم کر رہی ہیں.
پاک فوج کے شعبہ تعلقات عامہ کے مطابق پاک فوج کی ٹیموں کی جانب سے جنوبی کراچی کے علاقوں ،شاہراہ فیصل، نیپا چورنگی،لسبیلہ،تربت،کوئٹہ،سمیت ڈسٹرکٹ جامشورو میں فلڈ ریلیف آپریشن جاری ہے.
پاک آرمی نے متاثرہ علاقوں میں ریلیف کیمپ بھی لگائے جہاں سیلاب اور بارشوں کے متاثرین میں طبی سہولیات کے ساتھ انہیں کھانے اور روزمرہ استعمال کی اشیاء بھی فراہم کی جارہی ہیں.
کراچی میں بارشی پانی نکالنے کے لئے ٹریکٹر ٹرالی کا استعمال,ویڈیو وائرل
آئی ایس پی آر کے مطابق پاک فوج کے تازہ دم دستے سندھ اور بلوچستان میں ممکنہ سیلاب کی صورتحال کے پیش نظر ایمرجنسی سے نمنٹنے کیلئے تیار ہیں. پاک فوج کے جوانوں اور میدیکل ٹیموں نے جامشورو،گھارو،کیماڑی اور نیپا چورنگی کے علاقوں میں سینکڑوں متاثرین میں خوراک اور مفت ادویات تقسیم کی ہیں اس کے علاوہ پاک آرمی کی میڈیکل ٹیموں نے بلوچستان کے علاقوں تربت،لسبیلہ اور کوئٹہ میں پندرہ سو سے زائد متاثرین میں طبی سہولیات فراہم کی ہیں.
