کراچی: سندھ میں بھی تبدیل آنے لگی سندھ حکومت نے صوبے میں عورتوں کے تحفظ اور ان کے حقوق کے لیے عورت ایپ اور ویپ پورٹل لانچ کر دی۔جس کی وجہ سے خواتین کو اپنے اوپر ہونے والے مظالم کے خلاف آواز اٹھانے میں مدد ملے گی۔
سندھ حکومت ذرائع کے مطابق سندھ کی وزیر برائے حقوق نسواں سید شہلا رضا نے عورت ایپ کی لانچنگ تقریب سے خطاب کرتے ہوئے کہا کہ سندھ حکومت نے عورت پر گھریلو تشدد کے بڑھتے ہوئے واقعات کا سنجیدگی سے نوٹس لیتے ہوئے عورت ایپ متعارف کرائی ہے
سیدہ شہلا رضا نے اس موقع پر کہا کہ سندھ حکومت خواتین کو بااختیار بنانے اور ان کے تحفظ کے لیے اقدامات کر رہی ہے جبکہ سندھ کے محکمہ حقوق نسواں کے زیر اہتمام 16 خواتین کے تحفظ کے ادارے کام کر رہے ہیں اور خواتین پر تشدد کے حوالے سے ہیلپ لائن 1094 بھی متعارف کرا دی گئی ہے۔
شہلا رضا نے کہا کہ خواتین کے تحفظ کے لیے قائم کردہ سیل میں ہر مہینے 25 سے 30 واقعات رجسٹرد ہوتے ہیں.صوبائی وزیر نے کہا سندھ کے تمام 29 اضلاع میں خواتین کے تحفظ کے لیے سیل قائم کیے جائیں تاہم نوکریوں پر پابندی کے باعث ایسا ممکن نہیں ہے۔
