سندھ کابینہ کے مزید 8 وزرا نے حلف اٹھا لیا

سندھ کابینہ کے مزید 8 وزرا نے حلف اٹھا لیا، گورنر سندھ کامران ٹیسوری نے کابینہ ارکان سے حلف لیا۔حلف برداری کی تقریب گورنر ہاؤس سندھ میں منعقد ہوئی جس میں وزیر اعلیٰ سندھ سید مراد علی شاہ نے بھی شرکت کی۔جام اکرام اللہ خان دھاریجو کو انڈسٹریز اینڈ کامرس ،محمد علی ملکانی کو محکمہ جامعات و بورڈ،مخدوم محبوب الزمان کو محکمہ بحالی کا قلمدان سونپ دیا گیا ،جبکہ دوست محمد راہموں کو محکمہ ماحولیات موسمی تبدیلی و ساحلی ترقی،شاہد عبدالسلام تھیم کو محکمہ محنت و افرادی قوت،سید ریاض حسین شیرازی کو محکمہ اوقاف زکوةٰ عشر،شاہینہ شیر علی کو محکمہ ویمن ڈویلپمنٹ،میر طارق علی تالپور کو محکمہ سماجی بہبودکا قلمدان سونپ دیا گیا ،محکمہ سروسز جنرل ایڈمنسٹریشن و کو آرڈی نیشن نے نوٹی فکیشن جاری کردیا ۔سندھ کابینہ میں شامل صوبائی وزیر علی حسن زرداری پر ایک اور نوازش ہو گئی،علی حسن زرداری کو محکمہ ورکس اینڈ سروسز کا اضافی قلمدان بھی سونپ دیا گیا ،علی حسن زرداری کے پاس پہلے محکمہ جیل خانہ جات کا قلمدان ہے ۔