سندھ میں کورونا سے 2 ہزار 648 افراد متاثر، 975 مریضوں کی حالت تشویشناک

وزیراعلیٰ سندھ مراد علی شاہ نے صوبے میں کورونا کی صورتحال سے متعلق بتایا ہے کہ گزشتہ 24 گھنٹوں کے دوران مثبت کیسز کی شرح 10 فیصد سے زائد رہی ہے۔

باغی ٹی وی : مراد علی شاہ نے بتایا کہ سندھ میں عالمی وبا کورونا وائرس کے مزید 1648 کیسز سامنے آ گئے جب کہ 19 افراد کورونا سے جاں بحق ہو گئے ہیں اس وقت 32 ہزار 620 مریض زیرعلاج ہیں جن میں سے 31 ہزار 513 گھروں، 1036اسپتالوں اور 71 مریض آئیسولیشن سینٹرز میں ہیں۔

انہوں نے بتایا کہ کورونا کے 975 مریضوں کی حالت تشویشناک ہے جب کہ 64 مریضوں کو انتہائی نگہداشت میں وینٹی لیٹرز پر ہیں۔

مراد علی شاہ کے مطابق کراچی میں کورونا کے مزید 1366 کیسز سامنے آئے ہیں کراچی شرقی میں 487، کراچی جنوبی میں 279، کورنگی میں 192، کراچی وسطی میں 177، ملیر میں 155، حیدرآباد میں 81، کراچی غربی میں 76 کیسز سامنے آئے۔