شرجیل میمن نے سندھ میں سیلاب سے تباہی کی تفصیلات جاری کر دیں

وزیراطلاعات سندھ شرجیل میمن نے کہا ہے کہ رواں سال غیر معمولی بارشیں ہوئیں،30اضلاع متاثرہوئیں –

باغی ٹی وی: شرجیل میمن کے مطابق جولائی میں 308 فیصد سے زائد اور رواں ماہ 784 فیصد سے زائد بارشیں ہوئیں،گڈو اور سکھر سے 550,000 کیوسک سے زیادہ سیلابی ریلا گزررہا ہے-

دریائے سندھ میں تونسہ کے مقام پر اونچے درجے کاسیلاب،الرٹ جاری

وزیراطلاعات سندھ کے مطابق کچے کے تمام علاقے زیر آب آگئے ، ہزاروں خاندان بے گھر ہو گئے،بارشوں اورسیلاب سے 402 اموات ہوئیں اورایک ہزار 55افراد زخمی ہوئے-

شرجیل میمن کے مطابق سندھ میں بارشوں سے 860 ارب روپے کے نقصان کا ابتدائی تخمینہ لگایا گیا،سندھ میں بارشوں سے 15 لاکھ مکانات متاثر ہوئے، لاگت 450 ارب روپے ہے-

وزیراطلاعات شرجیل میمن کےمطابق سندھ میں بارشوں سے ایک لاکھ 17ہزار 34مویشی ہلاک ہوئے ،سندھ میں بارشوں سے 3171726 ایکڑ اراضی پر کھڑی فصلیں تباہ ہوئی ہیں،سندھ میں بارشوں سے کپاس کی 1467579 ایکڑ اراضی پر کھڑی 100 فیصد فصل تباہ ہو چکی ہے-

ملک ریاض نے سیلاب ذدگان کی بحالی کیلئے غیر مشروط تعاون کی پیشکش کر دی

کھجور کی 101379 ایکڑ اراضی پر 100 فیصد فصل متاثر ، تخمینہ 7096.53 ملین روپے ہے،ندھ میں بارشوں سے گنے کی 158916 ایکڑ اراضی پر کھڑی 21.78 فیصد فصل تباہ ہوئی،سندھ میں بارشوں سے تباہ گنے کی فصل کا تخمینہ 11918.7 ملین روپے لگایا گیا-

وزیر اطلاعات سندھ کے مطابق سندھ میں بارشوں سے چاول 1063273 ایکڑ پر کھڑی 71.46 فیصد فصل متاثر ہوئی ، ٹماٹر، مرچ ، پیاز اور دیگر فصلوں کو بھی نقصان پہنچا ، کاشتکاروں کو اربوں روپے کا نقصان ہوا-

سیہون میں سیلاب متاثرین کی کشتی الٹنے سے 11 افراد جاں بحق

سندھ میں بارشوں سے 2281.5 کلومیٹر طویل 570 سڑکیں متاثر ہوئی ہیں،حیدرآباد ڈویژن میں 843.5 کلومیٹر طویل 101 سڑکیں، 20 پل متاثر ہوئے ہیں ،سکھر ڈویژن میں 1002 کلو میٹر طویل 256 سڑکیں اور 18 پل تباہ ہو چکے ہیں-

بےنظیر آباد میں 136.8 کلومیٹر 125 سڑکوں کو نقصان پہنچا ہے،لاڑکانہ ڈویژن میں 96 کلومیٹر کی 12 سڑکیں اور 6 پلوں کو نقصان پہنچا ہے-