سندھ رینجرز نے اسمگلنگ کی کوشش ناکام بنادی،بڑے پیمانے پربھارتی اشیاء برآمد

کراچی :سندھ رینجرز نے اسمگلنگ کی کوشش ناکام بنادی، اطلاعات کےمطابق سندھ رینجرز کی جانب سے کسٹم حکام کواسمگلنگ کی روک تھام میں تعاون فراہم کرنے کے لیے انٹیلی جنس معلومات کی بنیاد پر ضلع جیکب آباد میں سندھ اور بلوچستان کے بارڈر پرکارروائی کرتے ہوئے بڑے پیمانے پراسمگلنگ کی کوشش ناکام بنا دی

باغی ٹی وی کےمطابق سندھ اوربلوچستان کی سرحد پرواقع عبدالجبار شہید چیک پوسٹ پر کارروائی کرتے ہوئے نان کسٹم پیڈ اشیاء جس میں انڈین گٹکا اور سگریٹ کی اسمگلنگ کی کوشش کو ناکام بنادیاگیا۔ تفصیلات کے مطابق کوئٹہ سے لاہور جانے والے ایک ٹرک کی تلاشی کے دوران انڈین گٹکااور سگریٹ بر آمد کرلیے گئے ہیں

ذرائع کےمطابق سندھ رینجرز نے اسمگلنگ کا جوسامان ضبط کیا ہے اس کی مالیت تقریباَ 68لاکھ 5ہزار روپے ہے۔ برآمد کیا گیا انڈین گٹکا اورسگریٹ کی تفصیلات درج ذیل ہے:۔

1-۔سگریٹ(Gold Sell) 29کارٹن
2- سگریٹ 15 (Banson)کارٹن
3-۔سگریٹ(Moden) 20 کارٹن
4-سگریٹ (Milano) 30کارٹن
5- سگریٹ(Dunhil) 15 کارٹن
6- انڈین گٹکا 9 بیگ

باغی ٹی وی کےمطابق برآمد کیا گیا انڈین گٹکا اور سگریٹ کسٹم حکام کے حوالے کردیا گیا۔