طویل عرصہ سے گردوں کے مرض کا شکار گلوکار اسد عباس زندگی کی بازی ہار گئے ، ان کا تعلق فیصل آباد کے معروف گھرانے سے تھا۔اسد عباس نے بہت ہی زیادہ مشکل وقت دیکھا۔لوگ ریٹنگ کے لئے اس کے انٹرویوز تو کرتے رہے لیکن عملی مدد کم لوگوں نے ہی کی۔اسد عباس نے محض 16 برس کی عمر میں موسیقی کاعالمی اعزاز حاصل کیا اور دنیا بھر میں اپنی مدھر آواز سے ملک کا نام روشن کیا. گلوکار کافی عرصے سے گردوں و جگر کے عارضے میں مبتلا رہا ڈاکٹروں نے کہا تھا کہ اسد عباس کا جگر شدید متاثر ہو چکا ہے جسکی بیرون ملک فوری پیوندکاری کی ضرورت ہے۔
”اسد عباس کی اہلیہ اور بچوں نے وزیر اعظم محمد شہباز شریف، وزیر اعلی پنجاب سید محسن نقوی گورنر پنجاب محمد بلیغ الرحمان اور دیگر حکام سے التجا کی تھی کہ وہ اسد عباس کے علاج میں معاونت کریں لیکن ایسا ممکن نہ ہو سکا” اور لاچارگی بے بسی کی حالت میں گلوکار دنیا سے رخصت ہو گیا ہے. افسوس کی بات یہ ہے کہ اسد عباس کے بیماری کے دوران بہت سارے یوٹیوبرز اور صحافی ان کے پاس گئے لیکن سب دعوے صرف اور صرف ریٹنگ کی حد تک محدود رہے ، اسد عباس آج زندگی کی بازی ہار گئے ہیں.
