معروف گلوکار اور میوزیشن ساحر علی بگا کے نئے گیت کا وشملے کا پوسٹر 24فروری کو جاری کیا جائیگا۔ اس گانے میں گلوکارہ آئمہ بیگ کی آواز بھی شامل ہے۔گانے کو اردو، پنجابی اور بلوچی زبان میں بنایا گیا ہے۔ اس گیت کے حوالے سے ساحر علی بگا نے کہا ہے کہ میری ہمیشہ ہی کوشش رہی ہے کہ ایسا میوزک بناﺅں جسے لوگ پسند کریں ۔ میں میوزک کے زریعے لوگوں کی خدمت کرنے کا کام کررہا ہوں ۔ میوزک ہمیشہ وہی اچھا لگتا ہے جو اوریجنل ہو ، ادھر ادھر سے اٹھایا ہوا یا کسی کی نقل کیے ہوئے میوزک کی عمر بہت کم ہوتی ہے۔ انہوں نے یہ بھی کہا کہ میں نے شادیوں پر لوگوں کو بھارتی میوزک لگاتے دیکھا۔ اس گانے کی ریلیزکے بعد لوگ خوش کے
لمحات کے دوران بھارتی میوزک کو بھول جائیں گے۔ انہوں نے مزید یہ بھی کہا کہ گلوکارہ نازیہ حسن اور ذوہیب حسن کے بعد ڈوئٹ سنگر نہیں تھے، آئمہ بیگ کے ساتھ ڈوئٹ گیتوں کو لوگوں نے بے حد پسند کیا ہے جس کے لئے میں ان کا شکر گزار ہوں۔ آئمہ نوجوان نسل کی نمائندہ گلوکارہ آئمہ بیگ گائیکی کو ایک نیا انداز دیا ہے۔ ساحر علی بگا نے کہا کہ گانے کی ویڈیو پر ڈائریکٹر عدنان قاضی نے بڑی محنت کی ہے جس میں صرف پاکستانی ثقافت کو اجاگر کیا گیا ہے۔
