گاڑی نہر میں گرنے سے میانوالی کے مشہور لوک گلوگار شرافت علی بلوچ ،ان کے بھائی انوار علی سمیت 7 افراد ڈوب کر جاں بحق ہوگئے ہیں ۔واقعہ میانوالی کے نواحی علاقے پکہ گھنجیرہ کے قریب پیش آیا ۔گلوکار شرافت علی اور دیگر رات2 بجے کے قریب میانوالی کے نواحی علاقے پکہ گھنجیرہ والا سے شادی کا پروگرام کر کے واپس گھر جا رہے تھے کہ ان کی گاڑی نہر میں گرگئی جس کے نتیجے میں سات افراد جان بحق ہوگئے
واضح رہے کہ شرافت علی خان بلوچ پاکستان کے معروف لوک گلوکار تھے جن کا تعلق میانوالی سے تھا،” پنجابی اور سرائیکی زبان میں انہوں نے متعدد گیت گائے ہیں جنہیں ان کے مداحوں نے بے حد پسند کیا ہے۔شرافت علی بلوچ کے مشہور گیتوں میں ہتھ رکھ کے اپنی اے نبضاں تے سسی اکھے بچن محال اے۔ نئیں رہندیاں اکھیاں وے میریاں تیرے دیدار بِنا۔ نئیں لگدا قسم سے میرا دل تیرے ماہی پیار بنا۔ شرافت کے گھر والے گہرے صدمے میںہیں ان کا کہنا ہےکہ ان کے وہم و گمان میںبھی نہیں تھا کہ شرافت کو اس قدر خوفناک حادثہ پیش آجائیگا اور اسکی جان چلی جائیگی.
