سر میں رشوت نہیں لیتا رشوت حرام ہے : رانا حسیب

کراچی : کراچی پولیس کا مرد مجاہد Sho سائٹ سپر ہائی وے سب انسپکٹر رانا حسیب جو رشوت کو حرام سمجھتا ہے .

گزشتہ دنوں ایڈیشنل آئی جی کراچی غلام نبی میمن نے کراچی بھر کے تھانے داروں۔ انوسٹی گیشن انچارجز۔ ایس ڈی پی اوز۔ ایس پیز اور ایس ایس پیز کے علاوہ تمام ڈی آئی جیز سے میٹنگ کی جس میں کراچی پولیس کے تمام افسران نے شرکت کی تھی ۔
سینکڑوں کراچی پولیس افسران کی موجودگی کا فائدہ اٹھاتے ہوئے کراچی پولیس چیف غلام نبی میمن نے اچانک سب سے ایک سوال کیا کہ کیا اس پنڈال میں کوئی پولیس ایسا ہے جو رشوت نہ لیتا ہو ۔ پورے بھرے پنڈال میں صرف ایک SHO اپنی سیٹ سے اٹھا۔۔ اور با آواز بلند کہا ۔۔ سر میں رشوت نہیں لیتا۔ رشوت حرام ہے۔

یہ سنتے ہی ہونا تو یہ چاہیے تھا کہ تالیوں کی گونج میں اس مرد مجاہد کا استقبال کیا جاتا۔۔ پن ڈراپ سائیلنٹ والا ماحول بن گیا ۔۔ جیسے پورے پنڈال کو سانپ سونگھ گیا ہو۔۔

ڈی آئی جی ایسٹ مقدس حیدر۔ ایس ایس پی ایسٹ قمر رضا جسکانی اور سہراب گوٹھ سب ڈویژن کے تمام افسران قابل مبارکباد ہیں کے انکے ہمراہ ایک باریش پولیس افسر ایسا بھی ہے۔ جو رشوت کو حرام سمجھتا ہے۔ ۔۔

ایڈیشنل آئی جی کراچی غلام نبی میمن نے اسی وقت SHO رانا حسیب کے لئے 50000 پچاس ہزار روپے نقد اور سی سی فرسٹ سرٹیفکیٹ کا اعلان بھی کیا۔

باغی نیوز کے صحافی امید کرتے ہیں کہ کراچی پولیس کے دیگر افسران بھی رانا حسیب کی تقلید کریں گے۔۔۔