سیاست کو کرپشن سے آلودہ کرنے والے آج در بدر پھر رہے ہیں عثمان بزدار

لاہور:وزیراعلیٰ پنجاب عثمان بزدار سے ارکین صوبائی اسمبلی نے ملاقات کی-

باغی ٹی وی : تفصیلات کے مطابق وزیر اعلیٰ پنجاب سے ملاقات کرنے والوں میں وزیرتعلیم مراد راس، سمیع اللہ چودھری اور اسد کھوکھر شامل ،ملاقات میں باہمی دلچسپی کے امو راورسیاسی صورتحال پر گفتگو کی گئی-

ذرائع کے مطابق ملاقات میں ترقیاتی منصوبوں اور جنوبی پنجاب کے ڈویلپمنٹ پروگرام پر بات چیت کی گئی اس موقع پر وزیراعلیٰ پنجاب کا کہنا تھا کہ 560ارب روپے کے ترقیاتی پروگرام سے ہر ضلع ترقی کرے گا-

عثمان بزدار نے کہا کہ ماضی میں نمائشی منصوبوں پر قیمتی وسائل کو بے دردی سے ضائع کیا گیا، ماضی کی حکومت میں نمائشی منصوبے کل بھی سفید ہاتھی تھے اور آج بھی ہیں-

وزیراعلیٰ عثمان بزدار نے مزید کہا کہ ہم نے جنوبی پنجاب کو نئی شناخت دی ہے ،پہلی فرصت میں بہاولپور کادورہ کروں گا-

وزیراعلیٰ پنجاب عثمان بزدارنے کہا کہ جلدہی بہاولپور جنوبی پنجاب سیکریٹریٹ کاسنگ بنیاد رکھا جائے گا، اور سرکلر روڈ بہاولپور کی کشادگی کے لیے فنڈز فراہم کریں گے-

انہوں نے کہا کہ جنوبی پنجاب کے مینڈیٹ کی پہلے بھی لاج رکھی اور آئندہ بھی رکھیں گے-

عثما ن بزدار نے کہا کہ سیاست کو کرپشن سے آلودہ کرنے والے آج در بدر پھر رہے ہیں-