صوبائی وزیر قانون کی زیر صدارت اجلاس کورونا وائرس کے باعث اہم فیصلے
باغی ٹی وی : صوبائی وزیر قانون راجہ بشارت کی زیر صدارت اجلاس ہوا جس میں صوبے میں کورونا وائرس کے باعث پیدا صورتحال اور انتظامی امور کا جائزہ لیا گیا .
صوبائی وزیر صنعت میاں اسلم اقبال، چیف سیکرٹری پنجاب جواد رفیق ملک، آئی جی پولیس شعیب دستگیر نے شرکت کی . اجلاس میںایڈیشنل چیف سیکرٹری داخلہ، سیکرٹری انڈسٹریز، ایڈیشنل آئی جی سپیشل برانچ، کمشنر لاہور ڈویژن اور متعلقہ افسران کی شرکت بھی ہوئی جبکہ محکمہ صحت کے سیکرٹریز، ڈویژنل کمشنرز اور آرپی اوز ویڈیو لنک کے ذریعے شریک ہوئے.
اجلاس میںفیصلہ ہوا پیر سے کھلنے والے شاپنگ مالز اور بین الاضلاع پبلک ٹرانسپورٹ کیلئے ایس اوپیز پر سختی سے عملدرآمد کیا جائے گا.جمعتہ الوداع اورعید الفطر کی نمازکے اجتماعات کیلئےایس او پیز جاری کئے جائیں گے،
اس موقع پر صوبائی وزیر قانون کی وزیر اعلی’ پنجاب کی جانب سے یوم علی کے موقع پر بہترین انتظامات پر چیف سیکرٹری، آئی جی پنجاب اور انکی ٹیم کی تعریف کی گی .
راجہ بشارت نے تمام سول اور پولیس افسران کی کارکردگی قابل ستائش ہے اور کہا کہ امید ہے افسران اسی جذبے اور محنت سے کام جاری رکھیں گے.
چیف سیکرٹری نے حکم جاری کیا کہ جمعتہ الوداع اور عید الفطر کے موقع پر سیکیورٹی اور دیگر انتظامات کو یقینی بنایا جائے، بازاروں میں تاجر تنظیموں کی مدد سے ایس او پیز پر عملدر آمد کرایا جائے. خلاف ورزی کی صورت میں دکانداروں کیخلاف انفرادی طور پر کارروائی کرنے کی بجائے پوری مارکیٹ کو سیل کیا جائے.
بازاروں میں ایس او پیز کی خلاف ورزی کسی صورت بر داشت نہیں کی جائے گی. ہفتے میں چار دن کاروبار کی اجازت ہے، تین دن مکمل لاک ڈاون رہے گا. ٹائیگر فورس کار آمد ہیومن ریسورس ہے، اس سے بھرپور فائدہ اٹھایا جائے.اجلاس میں اگلے اتوار سے چرچوں میں عبادات (سنڈے سروس) کی اجازت دینے کا فیصلہ بھی کیا گیا.
کابینہ کمیٹی کے فیصلے کے مطابق برآمدات کی حامل انڈسٹری سے منسلک کاروبار، آٹو موبیل انڈسٹری، پاور لومزکو کھولا جائے گا، مانیٹرنگ ٹیمیں انڈسٹریل یونٹس، فیکٹریوں میں ایس او پیز پر عملدرآمد کا معائنہ کریں گی،
نبیلہ غضنفر، ڈی پی آر، چیف سیکرٹری پنجاب/سید امتیازالحسن
