یونیورسٹی آف لاہورسرگودہا کیمپس میں نوجوانوں کی سوشل میڈیا ورکشاپ کا انعقاد

سرگودہا(نمائندہ باغی ٹی وی ) یونیورسٹی آف لاہور سرگودہا کیمپس میں ڈاکٹر ڈوالفقار علی بھٹی کے زیر اہتمام سوشل میڈیا ورکشاپ کا انعقاد کیا گیا جس میں سرگودہا سے تعلق رکھنے والے نوجوانوں کی بڑی تعداد نے شرکت کی اس موقع پر نوجوانوں کو سوشل میڈیا کے استعمال اور اس کی افادیت کے حوالے سے خصوصی لیکچر دیا گیا ورکشاپ سے خطاب کرتے ہوئے ڈاکٹر ذوالفقار علی بھٹی نے کہا کہ بین الاقوامی دنیا کے حالات تک رسائی کیلیے سوشل میڈیا کا استعمال بہت ضروری ہو گیا ہے نوجوان ملک کا سرمایہ ہیں اور اکیسویں صدی کے اس جدید سائنس اور ٹیکنالوجی کے دور میں ملکی مسائل اور پاکستان کی صحیح تصویر دنیا کے سامنے پیش کرنے کیلیے سوشل میڈیا وقت کی اہم ضرورت اور ذریعہ ہے لہذا نوجوانوں کو چاہییے کہ وہ اپنے علم کا مثبت استعمال کرنا سیکھیں اور معاملات کی تحقیق اور معلومات کی درست رسائی کیلیے سوشل میڈیا کا استعمال کریں موجودہ حکومت نے میڈیا کو محدود کر دیا ہے اور آزادی صحافت کو ختم کر دیا ہے اس صورتحال کے پیش نظر سوشل میڈیا اپنی آواز بلند کرنے کا موثر ذریعہ ہے آخر میں ڈاکٹر ذوالفقار علی بھٹی نے ورکشاپ کے منتظمین عبدالوحید مکی،محسن مغل اور محمد علی للہ کا شکریہ ادا کیا اور ان کی اس کاوش کی حوصلہ افزائی کی