سونے کی قیمت میں مزید اضافہ

ملک بھر میں مسلسل دوسرے روز بھی فی تولہ سونے کی قیمت میں سینکڑوں روپے کا اضافہ دیکھا گیا جبکہ بین الاقوامی مارکیٹ میں فی اونس سونے کی قدر 23 ڈالر کم ہو کر ایک ہزار 905 امریکی ڈالر ہو گئی ہے۔ عالمی مارکیٹ میں قیمتیں کم ہونے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد ، ملتان سمیت دیگر جگہوں پر فی تولہ سونے کے دام 1800 روپے بڑھ کر 2 لاکھ 7 ہزار 800 روپے ہو گئے ہیں۔

اُدھر 10 گرام سونے کی قیمت ایک ہزار 543 روپے اضافے سے ایک لاکھ 78 ہزار 155 روپے ہو گئی ہے۔ دوسری جانب پاکستان اسٹاک ایکسچینج کا 100 انڈیکس 626 پوائنٹس اضافے سے 44 ہزار 178 پر بند ہوا ہے۔ کاروباری دن میں 100 انڈیکس 662 پوائنٹس کے بینڈ میں رہا۔ بازار میں آج 29 کروڑ شیئرز کا کاروبار 12 ارب 42 کروڑ روپے میں طے ہوا۔
مزید یہ بھی پڑھیں؛
وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے
عالمگیر ترین کی نماز جنازہ کب ہو گی؟ اعلان ہو گیا
نواز شریف کو سیاسی انتقام کا نشانہ بنایا گیا،مریم اورنگزیب

مارکیٹ کیپٹلائزیشن 75 ارب روپے اضافے سے 6 ہزار 691 ارب روپے ہے۔