اداکارہ سوناکشی سنہا جو ایک بڑی فین فالونگ رکھتی ہیں ، وہ آج کل اپنی ویب سیریز دھاڑ کی جم کر پرموشن کررہی ہیں ، ان کا خیال ہے کہ یہ ویب سیریز ان کے کیرئیر کا بہترین پراجیکٹ ہے . انہوں نے اس میں ایک پولیس آفیسر کا کردار ادا کیا ہے، سوناکشی کی پولیس آفیسر کے لباس میں تصاویر سوشل میڈیا پر وائرل ہوئیں اور ان کے اس روپ کو بہت زیادہ پسند کیا گیا. سوناکشی سنہا نے دھاڑ کی پرموشن کے دوران انکشاف کیا ہے کہ میرے والد کی شدید خواہش تھی کہ میں پولیس آفیسر بنوں اور میرے والد تو اپنے دوستوں سے کہا کرتے تھے کہ میری بیٹی بڑی ہو کر پولیس آفیسر بنے گی. انہوں نے کہا کہ میں جب ویب سیریز کے سیٹ پر پہلے دن گئی تو میں نے پولیس آفیسر کا لباس پہنا ، اور
والدکو فورا تصویر بھیج کر میسج کیا کہ میں نے آپ کا خواب پورا کر دیا ہے دیکھیں میں پولیس آفیسر بن گئی. سوناکشی سنہا نے کہا کہ میں نے ہمیشہ اپنے والد کی ہر خواہش کا احترام کیا لیکن میں پولیس آفیسر چاہ کر نہیں بن سکتی تھی کیونکہ مجھے اداکارہ بننا تھا اور آج میںبہت خوش ہوں .
