کاروباری ہفتے کے پہلے رو زملک بھر میں فی تولہ سونے کی قیمت بغیر کسی تبدیلی کے ساتھ3 لاکھ 6 ہزار روپے پر مستحکم رہی۔
آل پاکستان جیمز اینڈ جیولرز ایسوسی ایشن کے مطابق پیر کو سونے کی فی تولہ قیمت 3 لاکھ 6 ہزار روپے پر برقرار رہی جبکہ 24 قیراط سونے کے 10 گرام کی قیمت بھی 262,345 روپے اور 10 گرام 22 قیراط سونے کی قیمت بغیر کسی تبدیلی کے 240,491 روپے پر برقرار رہی۔فی تولہ اور دس گرام چاندی کی قیمت بالترتیب 3,388 اور 2,904 پر مستحکم رہی۔دوسری جانب ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت بھی 2,910 ڈالر فی اونس پرمستحکم رہی۔
واضح رہے کہ گزشتہ روز مقامی اور بین القوامی صرافہ مارکیٹوں میں سونے کی قیمتوں میں اضافہ ہوا تھا، جس سے سونا فی تولہ 3000 روپے اضافے سے 3 لاکھ 7 ہزار روپے پر پہنچ گیا تھا۔یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے، جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
