سونیا حسین نے عروہ حسین کو بھیج دیا لیگل نوٹس لیکن کیوں؟

فلم ٹچ بٹن جو کہ ریلیز کے قریب ہے آج کل اس کی پرموشنز چل رہی ہیں ، سونیا حسین بھی اس فلم کی کاسٹ کا حصہ ہیں سونیا فی الحال فلم کی پرموشنز سے غائب نظر آرہی ہیں. اب یہ چیز منظر عام پر آئی ہے کہ سونیا اور عروہ حسین کے درمیان معاملات ٹھیک نہیں چل رہے اور یہ معاملات کی خرابی سونیا کو بروقت پیسوں کی ادائیگی نہ کئے جانے کی وجہ سے ہے. سونیا حسین کا کہنا ہے کہ پرڈیوسر عروہ حسین نے سونیا کے ساتھ کام کا معاوضہ پچاس لاکھ روپیہ طے کیا اور شوٹنگ کو ختم ہوئے بھی دو سال سے زائد کا عرصہ گزر چکا ہے لیکن پرڈیوسر نے تاحال ان کے

پیسے انہیں‌نہیں‌دئیے. سونیا حسین کا کہنا ہے میں نے انہیں بار بار یاد دہانی کروائی لیکن انہوں‌نے ایک نہ سنی اور رواں برس صرف پانچ لاکھ کا چیک بھجوایا جو میں نے انہیں‌ واپس کر دیا کیونکہ پوری رقم دینے کی بات ہوئی تھی اور دو سال سے دن رات ان کو ریمائنڈر دے رہی ہوں لیکن عروہ نے ایک بھی بات نہ سنی . لہذا اب میں‌قانونی راستہ اختیار کرنے پر مجبور ہوں .
یوں سونیا حسین نے عروہ حسین کو پچاس لاکھ کا لیگل نوٹس بھیج دیا ہے. اس
نوٹس کے مطابق عروہ حسین آئندہ 14 روز میں سونیا حسین کے قانونی نوٹس کا جواب دیں، دوسری صورت میں ان کے خلاف ہرجانے کا مقدمہ عدالت میں دائر کیا جائے گا۔