اداکارہ سونیا حسین مجھ سے حسد کرتی ہیں فریال محمود

پاکستانی معروف اداکارہ فریال محمود نے اداکارہ سونیا حسین پر حسد کا الزام لگایا ہے-

باغی ٹی وی : اداکارہ فریال محمود گلوکاراحمد جہانزیب کے ہمراہ احسن خان کے شو ’ٹائم آؤٹ ود احسن خان‘ میں شریک ہوئیں جہاں ایک سیگمنٹ کے دوران میزبان احسن خان نے فریال محمود سے ان کے اور اداکارہ سونیا حسین کے درمیان تنازع سے متعلق سوال پوچھتے ہوئے کہا فلم ’سوری‘ میں آپ کو سونیا حسین کی جگہ کاسٹ کرلیا گیا تھا اور پھر سونیا نے ایک شو میں آپ کو پہچاننے سے ہی انکار کردیا تھا اس کی وجہ کیا ہے؟

فریال محمود نےکہا سونیا حسین نے ایک بار نہیں بلکہ دو بار مجھے پہچاننے سے انکار کرتے ہوئے کہا تھا ’یہ فریال محمود کون ہے‘۔

میرا نے ارشد ندیم کو کرکٹ کا کھلاڑی بنا دیا

اس کے بعد اداکارہ فریال نے اپنے اور سونیا حسین کے درمیان تنازع کی وضاحت کرتے ہوئے کہا سونیا حسین مجھے نہیں جانتیں لیکن میں انہیں بہت اچھی طرح جانتی ہوں ہم دونوں نے ایک ساتھ کام کیا ہے وہ بہت اچھی اداکارہ ہیں-

فریال محمود نے مزید کہا بدقسمتی سے ایک بار مجھے ان کی جگہ کاسٹ کرلیا گیا تھا جس کے بعد سونیا حسین نے میرے موٹاپے کا مذاق اڑایا جب میں موٹی تھی ور اس پر انہیں ٹھیک ٹھاک جواب دیا لیکن یہ بات بہت پرانی ہوگئی۔

فریال محمود نے مزید کہا مجھے نہیں معلوم سونیا حسین کو مجھ سے کیا مسئلہ ہے لیکن کوئی بات نہیں یہ پروفیشنل جیلسی ہے اور مجھے سونیا حسین پسند ہیں-